Salya
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Prabu Salya kondhang amarga kasekteni, utamane amarga nduwe aji-aji Candrabirawa utawa candabirawa. Crita tresnane marang Dewi Pujawati uga asring dadi tuladha tresna endah.
Bab lan Paragraf |
[sunting] Crita Tresna lan Maratuwa
Nalika isih enom, jenenge Narasoma. Nara artine manungsa, soma artine rembulan. Rupane pancen gantheng. Sawijining dina dheweke kepranan marang sawijining wanita, Dewi Pujawati. Tresna nyawiji kanthi becik lan ora keplok sisih. Nanging, Narasoma rumangsa isin amarga Pujawati iku anake raseksa, Bagaspati. Bagaspati kang wis dadi begawan ngerti dheweke kudu mati. Narasoma mateni maratuwane kuwi. Getih kang metu seka tatune wernane putih, kang nandhaake yen Bagaspati wong jujur lan apik. bagaspati ngetoaake sepata yen mengko Narasoma bakal mati dening wong kang getihe putih. Nanging Bagaspati uga menehi aji-aji Candabirawa utawa Candrabirawa.
[sunting] Dadi Raja
Sawise dadi raja ing Mandaraka/Mandra ngganteake Prabu Mandrapati, Narasoma ganti jeneng dadi Prabu Salya. Dene Pujawati uga diwenehi jeneng Setyawati. Prabu Salya lan Dewi Pujawati pancen saling setya. Salya janji ora bakal nresnani wanita liya. Seka jejodhoan iki metu anak lima:
- Dewi Erawati, kang dadi garwane Baladewa.
- Surtikanti, garwane Adhipati Karna. Ing Bharatayudha, Salya dadi kusire Karna. Iki dadi pepiling marang kelakuane Salya amarga ngece maratuwane mbiyen.
- Banowati, garwane Duryudana.
- Burisrawa, kang seneng karo Sumbadra nanging ora bisa kaleksanan. Ora kaya liyane, Burisrawa kaya raseksa lan dadi karma kanggone Salya kang mateni Banaspati.
- Rukmarata.
[sunting] Bharatayudha
Ing Bharatayudha, dheweke bela Kurawa, nanging sejatine dheweke luwih seneng marang Pandhawa. Kasektene gawe prejurit Pandhawa kocar-kacir. Kresna akon Nakula lan Sadewa supaya golek sisik melik piye carane ngalahke Salya. Prabu Salya ngaku yen dheweke bakal kalah dening wong kang getihe putih. Yudhistira, kang getihe putih, maju. Salya mati, lan Dewi Pujawati uga bela pati. Kraton Mandaraka akhire diwenehke marang Nakula.
