Sanghyang Ismaya
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Sang Hyang Ismaya iku atmajane Sang Hyang Tunggal. Sang Hyang Tunggal peputra 3 :
- Sanghyang Antaga (Sang Hyang Tejamaya) (ing tembe mburi dadi Togog Tejamaya, punakawane ratu sabrang/para raksasa).
- Sanghyang Ismaya
- Sanghyang Manikmaya (dadi Batara Guru).
Sang Hyang Ismaya mapan ing Kahyangan Sonyaruri. Nanging Sakwise geger gara-gara putra telu mau padha adu kasekten, nyaplok/nguntal gunung nganti mlebu weteng terus ditokake nganggo dubur, sing ndadekake Batara Antaga lan Batara Ismaya salah kedaden rusak awake (Batara Antaga ora sanggup nyaplok gunung sanajan lambene digedekke sakpole malah ora bisa mbalik maneh dadi rupane kebak lambe tok, dadi Togog. Batara Ismaya sanggup nguntal gunung nanging ora bisa ngetokake lewat dubure sanajan diden-denke nganti mripate kaya nangis-nangisa merga nahan dayane gunung ana wetenge dadi awake lemu bokonge gedhi lan rupane kaya wong nangis (banjur dadi Semar). Kahyangan Sonyaruri digulung lan Ismaya diturunke marcapada / bumi dikon momong para satriya pinilih, dadi Ki Lurah Semar Badranaya.
