Szczecin

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Lambang Szczecin	Lokasi Szczecin

Katrangan cekak

Provinsi: Województwo zachodniopomorskie

Jembar: 300,83 km²

Pedunung: 419 198 jiwa (2006)

Pelat nomor kendaran motor: ZS

Alamat
balé kutha: pl. Armii Krajowej 1
71-871 Szczecin

Situs wèb resmi: www.szczecin.pl

Politik

Walikutha: Piotr Krzystek

Szczecin (Jerman Stettin) iku ibukutha Województwo zachodniopomorskie (provinsi Pomerania Kulon) ing Polandia. Kutha iki paling gedhé nomer pitu miturut cacahé pedunung lan kutha palabuhan Polandia sing gedhé dhéwé ing segara Baltik. Miturut cacah jiwa ing taun 2005 kutha iki nduwé pedunung 420.638 jiwa.

Szczecin papané ana ing muara kali Oder, kiduling Stettiner Haf lan Teluk Pomerania. Kutha iki papané ana ing pesisir kidul-kulon tlaga Dąbie, lan dibelah kali Oder, serta nduwé pulo ing cabang kulon lan wétan kali iki.

[sunting] Étimologi

Sumber-sumber Jaman Tengahan nuduhaké: Stetin 1133, Stetyn 1188, Priznoborus vir nobilis in Stetin, Symon nobilis Stettinensis 1234, in vico Stetin 1240, Barnim Dei gratia dux Pomeranorum... civitati nostri Stetin 1243, Stityn 1251, lan Sigillum Burgoncium de Stitin (cap kutha saka abad kaping-13).

Aran kutha iki mbokmenawa mèmper karo aran-aran Polandia liyané kaya ta Szczytno, Szczucin and Szczuczyn. Ing basa Latin, kutha iki diarani Stetinum.

Balé kutha

Ana pira-pira étimologi sing mungkin dadi asalé arané kutha iki:

Szczecin asalé saka tembung szczyt sing tegesé wukir ing basa Polandia modhèrn, nanging ing basa Slavia kuna tegesé uga bisa bèntèng.
Szczecin asalé saka jeneng Szczuka lan tegesé kutha Szczuka
Szczecin asalé saka jeneng Szczeta/Szczota lan tegesé kutha Szczota
Szczecin asalé saka tembung szczecina sing tegesé ri. Dadi Szczecin iku kutha sing akèh cèlèngé utawa bèntèngé kaya ri. Yèn prakara iki bener, bisa waé kutha iki padha karo Burstaborg sing disebut-sebut ing babad-babad Skandinavia.

Amarga Adipati Warcislaw IV saka Pomerania ngyasakaké "Szczecin Anyar" (basa Polandia Nowy Szczecin, basa Jerman Neustettin) ing 1310, kutha Szczecin sing lawas kala-kala diarani "Szczecin Lawas" (basa Polandia Stary Szczecin; basa Jerman Altes Stettin; basa Latin Stetinum Antiqua)

Ing abad kaping-16, sumber-sumber Polandia nganggo rong éjaan alternatif: Szczecin (katonané pangucapan aran kutha iki déning warga Slavia lan sadurungé diéja Stetin ing basa Latin wiwit abad kaping-12) lan Sztetyn (sing katonané salinan saka ucapané ing basa Jerman). Bentuk sing kapisan Szczecin pungkasané sing luwih kerep dienggo ing taun-taun sawisé lan pungkasané paling akèh dan ditemtokaké ing abad kaping-19, suwé sadurungé kutha iki diserahaké Polandia ing taun 1945.

Sadurungé taun 1945, kutha iki sing dienggoni mèh satus persèn déning wong Jerman, diarani nganggo jeneng Jermané, yaiku Stettin.

[sunting] Pranala jaba

Mangga mriksani Szczecin ing Wikimedia Commons.

	Provinsi Pomerania Kulon
	Kutha swatantra (kutha otonom): Koszalin \| Szczecin \| Świnoujście Powiat (kabupatèn): Białogard \| Choszczno \| Drawsko Pomorskie \| Goleniów \| Gryfice \| Gryfino \| Kamień Pomorski \| Kołobrzeg \| Koszalin \| Łobez \| Myślibórz \| Police \| Pyrzyce \| Sławno \| Stargard Szczeciński \| Szczecinek \| Świdwin \| Wałcz