Ula
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Ula kalebu bangsaning kewan melata utawa reptil. Saliyane iku, uga kalebu cacahing ordo squamata lan sapadhuluran karo Kadal. Ula iki kagolong kewan sing adhem gethihe dhadi kudhu akeh mepe ing cahyaning srengenge kanggo manaske awak, ora ana cekere lan awake dhawa banget.
Kabeh ula mangan dhaging utawa diarani karnivora, milai saka kewan cilik-cilik kaya kadhal, tikus, endhog, nganthi kewan sing gedhe kaya kidhang, babi lan baya. Ula ana sing matheni pakane nganggo upas, dhadi sadhurunge ngeleg korbane, dheweke nyakot dhisik nganggo siunge sing ndhuweni upas, banjur yen kewan kurbane mathi ula isa mangan korbane ing cara sing adhem ayem. Saliyane iku ana ula sing matheni korbane nganggo uletane sing reket, biasane dheweke nguleti korbane banjur dicengkrem nganthi kentekan ambekan lan samubare mati, banjur dilebokake langsung ing awake.
Ula ora bisa nyacah panganane, nanging dileg langsung lan sabuyare mangan, ula bisa pasa ora mangan apa-apa, milai saka setengah wulan, nganthi isa wulan-wulanan. Ula uga ndhuwe cangkem sing amba, ula isa mangap nganthi 180 derajat, dadi isa mangan korban sing luwih gedhe ketimbang awake. Saliyane iku, kanggo ngawasi saindhenge, ula nganggo ilate kanggo ngrasakake kahanan utawa korban, lan infra abang kanggo ndheleng ana manungsa, kewan utawa kahanan sing mbebayani, tur ula iku tuna rungu, ora bisa ngrungokake swara-swara.
Jenising ula upas, yaiku :
- Ula kobra
- Ula mamba
- Ula weling
- Ula derik
- Ula macan
Lan jenising ula gedhe yaiku :
- Ula sanca
- Ula boa
- Ula anakonda
Jenising ula liyane, yaiku:
- Ula sawa
- Ula ijo
Ula sing paling dhawa ing dunya, yaiki sing jenise Anakonda. Uripe ana ing tlatah Amerika lan dhawane bisa nganthi 11 meter.
- Balik ing : Sato Kewan
