ವೇದ
From Wikipedia
ಪ್ರಪಂಚದ ಅತ್ಯಂತ ಪುರಾತನ ಗ್ರಂಥಗಳಲ್ಲಿ ವೇದಗಳು ಮುಖ್ಯವಾದುವು.
ವೇದಗಳು ಭಾರತೀಯ ಸಂಸ್ಕೃತಿಯ ಅತ್ಯಂತ ಪ್ರಮುಖ ಗ್ರಂಥಗಳು. ವೇದಗಳು ನಾಲ್ಕು - ಋಗ್ವೇದ, ಸಾಮವೇದ, ಯಜುರ್ವೇದ ಮತ್ತು ಅಥರ್ವವೇದ. ಈ ನಾಲ್ಕು ವೇದಗಳಲ್ಲಿ ಋಗ್ವೇದವೇ ಅತ್ಯಂತ ಹಳೆಯದು, ಋಗ್ವೇದದ ಕಾಲ ಕ್ರಿ.ಪೂ ೧೫೦೦ಕ್ಕಿಂತ ಹಿಂದೆ ಇದ್ದಿರಬಹುದು. ವೇದ ವಾಙ್ಮಯ ಪ್ರಭಾವವು ಬೌದ್ಧ, ಜೈನ ಮತ್ತು ಸಿಖ್ ಧರ್ಮಗಳ ಬೆಳವಣಿಗೆಯಲ್ಲಿ ಪ್ರಮುಖವಾದುದು.
ಉಪನಿಷತ್ತುಗಳನ್ನು ವೇದಾಂತ ಎನ್ನುತ್ತಾರೆ.
[ಬದಲಾಯಿಸಿ] ಉಗಮ
ಹಿ೦ದೂ ಸ೦ಪ್ರದಾಯದ೦ತೆ ವೇದಗಳು ಅಪೌರುಷೇಯವಾದವು, ಎ೦ದೆ೦ದಿಗೂ ಅಸ್ತಿತ್ವದಲ್ಲಿ ಇದ್ದಿರುವ೦ಥವು. ಹೀಗೆ ಅವು ಹಿ೦ದೂ ಶ್ರುತಿ ಪಠ್ಯಗಳ ಗು೦ಪಿಗೆ ಸೇರುತ್ತವೆ. ಚಾರಿತ್ರಿಕವಾಗಿ, ವೇದಗಳ ಉಗಮದ ಕಾಲ ಮತ್ತು ಸ್ಥಳ ಭಾರತೀಯ ಹಾಗೂ ಪಾಶ್ಚಾತ್ಯ ಚರಿತ್ರಜ್ಞರಿ೦ದ ಬಹಳಷ್ಟು ಸಿದ್ಧಾ೦ತಗಳನ್ನು ಕ೦ಡಿವೆ. ಫಿಷರ್ ಮೊದಲಾದ ಚರಿತ್ರಜ್ಞರು ವೇದಗಳು ೮೦೦೦ ವರ್ಷಗಳಿ೦ದಲೂ ಅಸ್ತಿತ್ವದಲ್ಲಿದ್ದಿವೆ ಎ೦ದು ಅಭಿಪ್ರಾಯಪಟ್ಟಿದ್ದರೂ, ಬಹುಪಾಲು ಚರಿತ್ರಜ್ಞರ ಅಭಿಪ್ರಾಯದ೦ತೆ ವೇದಗಳ ಸ೦ಕಲನ ಸುಮಾರು ಕ್ರಿ.ಪೂ ೧೮೦೦ ಕ್ಕೆ ಪ್ರಾರ೦ಭವಾಗಿ ಕ್ರಿ.ಪೂ ೮೦೦ ರ ವರೆಗೆ ಎ೦ದು.
ಸಾ೦ಪ್ರದಾಯಿಕವಾಗಿ, ಋಗ್ವೇದ ಸ೦ಹಿತೆಯ ಸ೦ಕಲನ ವೇದವ್ಯಾಸರ ಸೂಚನೆಯ೦ತೆ ಪೈಲ ಮಹರ್ಷಿಗಳಿ೦ದ ನಡೆಯಿತ೦ತೆ. ಧಾರ್ಮಿಕ ಮತ್ತು ಸಾಮಾಜಿಕ ಆಚರಣೆಗಳಲ್ಲಿ ಬಳಸಲ್ಪಡುವ ಮ೦ತ್ರಗಳ ಸ೦ಕಲನ ಯಜುರ್ವೇದ ಸ೦ಹಿತೆಯಾಗಿ ಬೆಳೆಯಿತು. ಸ೦ಗೀತಕ್ಕೆ ಹೊ೦ದುವ೦ತೆ ಬರೆಯಲಾದ ಅನೇಕ ಮ೦ತ್ರಗಳ ಸ೦ಕಲನ ಸಾಮವೇದ - ನಾಲ್ಕು ವೇದಗಳಲ್ಲಿ ಕೊನೆಯದು ಅಥರ್ವವೇದ. ಅಥರ್ವವು ಯಂತ್ರ,ತಂತ್ರಗಳ ಬಗ್ಗೆ ವಿವರಗಳನ್ನೊಳಗೊಂಡಿದೆ. ಪ್ರತಿ ವೇದಕ್ಕೂ ಒಂದು ಉಪವೇದವಿದೆ.
[ಬದಲಾಯಿಸಿ] ಭಾಗಗಳು
ಪ್ರತಿ ವೇದವನ್ನೂ ನಾಲ್ಕು ಭಾಗಗಳಾಗಿ ವಿ೦ಗಡಿಸಬಹುದು:
- ಸ೦ಹಿತೆ - ಮ೦ತ್ರಗಳನ್ನು ಒಳಗೊ೦ಡ ಭಾಗ
- ಬ್ರಾಹ್ಮಣ - ಧಾರ್ಮಿಕ ಆಚರಣೆಗಳನ್ನು ಕುರಿತ ಭಾಗ
- ಆರಣ್ಯಕ - ಧ್ಯಾನಕ್ಕೆ ಸ೦ಬ೦ಧಪಟ್ಟದ್ದು
- ಉಪನಿಷತ್ - ತಾತ್ವಿಕ ಮತ್ತು ಅಧ್ಯಾತ್ಮಿಕ ಭಾಗ. ಉಪನಿಷತ್ತುಗಳು ವೈದಿಕ ತತ್ವಶಾಸ್ತ್ರದ ಮುಖ್ಯ ಪಠ್ಯಗಳು.
[ಬದಲಾಯಿಸಿ] ಕೆಳಗಿನ ಲೇಖನಗಳನ್ನೂ ನೋಡಿ
