EAN
Us de Wikipedia
Di Affköözung EAN shteit för European Article Number, dadd_eß de Europäjische Attikkel_Nůmmor, di wood ävver enzwesche zor International Article Number, allso de Ingernzjonaale Attikkel_Nůmmor, dadd_ess_enne Kood womet dä Hanndel sing Wahre oddo Attikkelle markeere un benummere kann. Dobeij_jidd_et fö_jewöönlijj_eijn EAN, eijn Nummo, fö eijn Aat Wahre. Wenn_ėsh fun Eijne do_fun, dousendt Shtögg_om Larer lijje hann, dann hann_ėsh dousendt Mool de_sellve EAN do lijje.
En beshtemmpdte EAN ess_en Zaal_uß aach odder drüxeen Shtälle (Ziffere) un di weede zem Deijl vun_enner Zentraal beshtimmp, dä Jesellschaff för Ko_Orjanisazjoon en Kölle, di Nummon_Kräijse aan de Handels_Kette, do Jruhß_Handell_un für Allem an de Hershtällo ußßjitt, un deijlwieß, allso dä Räßß fun dä Shtäelle, fun dänne, di enne Nummon_Kräijß krääje hann.
Di Shtrishe op de Fopakkunge, di mer em Supper_Maad_aahn de Kaßße en_lässe lööt, dat sinn fö_jewöönlish EAN_Koodß.
