Fronleichnam
Us de Wikipedia
Fronleichnam, dat aam zweijte Donnersdaach noh Pingste jefiert weed, eß_et färweprächtichste Fess vun d'r katholichen Kirch, un eß d'r Eucharistie jewidmet. Die meddelhuhdeutsche Öwersetzung vun "Corpus Christi" met "vron lichnam" för "Liev vum Herr" joff däm Fess singe Naam. An dä traditionelle Fronleichnams-Prozession durch bloomejeschmöckte Stroße nämme Honoratiore, Handwerker un Jemeindemetjlieder deel. In dä Mett vun dä Prozession jeht unger'nem Baldachin d'r Passtur met en_ner staazen Monstranz in dä et Allerhelichste ussjesetz eß. Am Engk vun dä Prozession weed d'r Eucharistische Sääje jejowe un et Te Deum jesunge.
Fronleichnam hätt me ze_iersch em Bistum Lüttich jefiert, en d'r Nopperschaff em Erzbistum Kölle eß dann späder 1279 de ierschte Fronleichnamsprozession jejange. Hückzedaach eß Fronleichnam en dä mietste katholische Länder e_ne jesätzliche Fierdaach.
En Müllem en Kölle jeht aan Fronleichnam die beröhmte Scheffsprozession Mülheimer Gottestracht, beij dä et Allerhelichste op e_nem jeschmöckte Scheef vun dä Köln-Düsseldorfer, bejleit durch kleene Scheffe, beß aan die ahle Stadtjrenz vun Kölle jefahre weed. Op dä Scheffe un aan dä Ufer vum Rhing weed jebääd un d'r Herrjott en de Monstranz met Jlockelügge un Böllerschöss jejröß.
Op dä Dörpe em Vürjebirsch schmöcken se de Stroße met Bloometeppiche, die nur vum Passtur met d'r Monstranz beträdde weede dürfe.
[Ändere] Böcher
- Guido Fuchs: Fronleichnam. Ein Fest in Bewegung. Regensburg 2006, ISBN 3-7917-1992-0
