Wikipedia:Krom för Fottzeschmieße?
Us de Wikipedia
Mir han he un do Krom för Fottzeschmieße.
Enhaldsüvversich |
[Ändere] Schmieß Fott!
Wenn in_ner Sigg dä Boustein {{Schmieß Fott!}} drin eß, dann kann die Sigg fottjeshmeßße wääde. Dat kann bloß nit jeder, dat moss_ene Adminstrator oder ene Köbeß maache. Un weil dat nit jeder maache kann, bruch_mer esu ene Boustein, domet dä Adminstrator bescheid_weiß, wo hä raan muß.
Wann sij_einer verdeiht un schmieß_jet_fott, wat noch jebruch weed, eß nid_esu schlimm, dat kam_mer sozusare us_em Müllemmer wider eruholle und dann is_et wider do, wie_t dovüür woh.
Jez wolle mer ävver nit einfach so all dat fottshmieße, wo irjend_ene Wizfijjur dä Boustejn {{Schmieß Fott!}} raanjepapp hätt:
[Ändere] Wat mer wirklich fottshmieße
- Keu: Wann einer en_neue Attikel_Sigg jemaat hät un et eß bloß Keu drop, sujet, wie: „asdfgh“ oder „Mamma Pappa Titti jetz Heija jonn.“ oder „Och Isch Kann Joo Hee Schrieve.“ oder „Please write an Article about this Theme.“ oder „Ich brauch jetz en Bier, sons Streik ich hier.“
- Ahle Redirect_Sigge:, dat sin mieztenß welshe met verkiehrte Name, die dann ömjenannt woode sinn. Jez heiß die Sigg rishtish, ävver et woot och automatij_en
#Redirect [[…]]vum ahle op dä neue Name jemaat, dat kann fott. - Dubbelte Krom: Wenn ene Attikel dubbelt jeschrevve woode eß oder et hätt einer zwejmol et selve Bild huhjelade, un nohr_em oprühme noch jet ovverish_bliev, wat nit jebruch weed.
- Eijene Krom:
- Ene Metmaacher hät en eijene Metmaacher_Sigg, sing eijen Klaaf_Sigg oder Ungersigge vun denne aanjelaat un wėll se widder loßß han. Oder irjendene Tünneß häd_em su_n Sigg aanjedonn, un hä wėll se jezz widder loßß hann.
- En Sigg, wo alle, die do dran metjeschrėvve han, sare, se soll widder fott, un ne jode Jrund han. Mingenzwäjen, se han sich verdonn, et wor en Ent, oder sujet.
We_t am Eng wirrəklish fott_shmieeß, moß do_noh sinn, da de Bedingunge för_t Fottshmieeße och do sinn.
[Ändere] Nit fottshmieße dum_mer
- En Attikkel_Sigg oder_e Bild, wo norr_ene Link drop zejch.
- Zeuch, wo dä Boustejn
{{Schmieß Fott!}}janit erenjehürt. Do sök sich dä Köbeß oder dä Adminstrator uß, wat_e maache_wėll:- Hä plöck dä Boustejn erus.
- Hä fäng_en Dißkußßjohn aan ov_mer dat fottshmieße sulle. Am_Eng wesse_mer dann, op JO oder NÄ.
- Koote Atikkele, Stubs un Shtübsher. Dad_eß sujet wie: „Müllers Aap (1927 bes 1992) wor_ene Boxer un_ene leeve Kääl un hät enß singe Rhingrischter und der Schweejvatter verkamesöhlt.“ oder „Dat Dörp Neusiedel litt am Neusiedler See irjendwo in de Felder vum Ößterich. Et hät en Telefonbüdchen un ene Bußß häld_och. Et jit e pa Bewunner, ävver isch mos_enz aanroofe un frore wie vill.“ oder „´Zibill es_ene Name för_e Fraunßminsch.“ Eß ejal, wann wat verkiehrt dran eß. Dat weet dann noch verbeßßert, dovür jiddet ne eijene Zeddel.
- Sigge med Attikkele, ejal wie schlääch, wo_t noch keine Klaaf drövver jejovve hät oder noch kein Entsheidung för_et Fottshmieße jetroffe woode eß.
- Attikkele die mer jrad uss_em Müllemmer widder zoröckjeholld han.
[Ändere] Ußßerdämm
- Unß List vunn dä Schabloone
- Uns Boushtelle
- Jenaujenumme sinn et nuur di Sigge, di dä Zeddel „För Fottzeschmieße!“ drop han, do sinn villėjsh su viir mieh beij, di mer tüüelish behallde wulle, ävver söns: Wat litt aan för fott ze Schmieße?
