Lindethal (Kölle, Veedel)
Us de Wikipedia
Lindethal (oficiell: Linenthal) es e Veedel em Söödweste vun Kölle, ävver och dä Drette Stadtbezürrek vun Kölle heijß Lindetahl, wo dat Veedel enne Deil vun es. Lindethal jrenz aan der Jrönjöödel, aan Sölz, aan Brungsveld/Meloote an der Aachener Weijer un de Baahn/de Ennestadt. Lindethal hät dr jrüüßte deijl vun der Uni un PH un de Lindeburch un de allermiehßte Krankehüüser om Knubbel, en Kölle, un de miihßte Krankehußbette pro Kopp vun de Inwunner op der Welt.
Am Weyerthal un der Kerpener Strohß litt dä ahle Jeusefriedhoff, der äählste Kirchhoff en Kölle, dä jäz schwer am verjammele eß. Dat eß en Schand för e Kultur-Jood vun dämm Rang. Ävver de Kölsche hann noch nie vill övverisch jehatt för alles wat nit kathoolesch eß, iere zweitäälste Friedhoff, en Düx aan der Bahn, hann se jo köözlesch ald endjölldesch platt jemaat.
Der OB Adenauer hät en Lindethal zwesche der Lindenburch un em Weyerthal jelääf, un sing Famillesch es emmer noch do.
Och wänn dä nix med Lindethal am hoot jehatt hann weed, es hüg zer daachs dä Albertus Magnus enne bekannte Lindethaler un steijt zig Joore hee un doo vür der Uni eröm.
Hä sull de eezte Schallplaat jemaat hann, es äver velleijch blosen Lejend.
En Lindedahl jidd_et diverse Eckscher, di sinn ëije Veedelle för sesch:
- Dëkshtëijn
- Hoelindt
- Kriel
sin jedeß fö sesch fill ällder als Lindedaal, wo se jëz bëij_jehüüre.
Dä Artikel iss noh koot. Äwwä eä könnt baldenz länger sinn, wenn do mithilfs.
Jlich aanpakke? Dann loß jonn!
