Regionalverkehr Köln GmbH
Us de Wikipedia
De Regionalverkehr Köln GmbH, affjekööz RVK, ess_en Ungerneeme met Setz en Kölle, wat em VRS en joode Aandëijl fun de Buß_Linnije en de Ömjäävung ußßerhalləf fun de jruuße Shtädt bedeene dëijt.
Em Joohr 1976 jejründt, entshtundt de RVK GmbH, wëijl de Baan_Bußße un de Poßß_Bußße zosammejelaat woodte. En de Joohe fun 1978 beß 1995 woo de RVK enne Besezz däm Konnzärrn Vereinigte Bundesverkehrsbetriebe GmbH, affjekööz VBG. Zigk 1996 eß de RVK jäz fun divärrse Shtädt un Këijse övvernumme woode un dänne iere ÖPNV_Ungerneeme han de Aandëijle krääje. Dröm jehüüert hä hügk — zo jlishe Dëijle — dä Fokierß_Bedriiver:
- de Elektrische Bahnen der Stadt Bonn und des Rhein-Sieg-Kreises
- de Kreisverkehrsgesellschaft Euskirchen
- de KVB
- de Bovver_Bärrjėsche_Fokijerß_Jesällschaff
- dä Rhing_Bärjische Krëijß
- de Rhing_Ërrf_Fokijerß_Jesällschaff
- de Rhing_Siish_Fokijerß_Jesällschaff
- de SWB Bußß un Baan
Mem Joohres_Affschloßß fun 2001 hät dä Regionalverkehr Köln 371 Omnibußße sin ëijen jennanndt, un hät dozo noch 316 Bußße fun anndere Besezzer (su jenanndte Sub_Ungerneemer) loufe jehatt.
Dä Houp_Aandëijl fun dä Fobinndunge em RVK jonn övver_t platte Land, wo nidd_esu fill Lügksher wunne. Aanfange un ennde dunn se allodings_öff jenooch en de Städt, odder en jrüüßere Ööt. Dat iß öff jenooch och do, wo mer fun de Bußße en de Baan ömshtëijsh, oddo ömjedriiht.
Dä Rejjonahl_Fokiehr Kölle eß täätish en de Landkrëijß un Städt:
| Dä Krëijß Dürre | De Shtadt Bůnn |
| Dä Krëijß Üüßkirshe | De Shtadt Lëëverkuuse |
| Dä Krëijß Olpe | De Shtadt Kölle am Rhing |
| Dä Bovverbërjische Krëijß | De Shtadt Solinge |
| Dä Märkische Krëijß | De Shtadt Remschëijd |
| Dä Rhing-Bërjischer Krëijß | |
| Dä Rhing-Ërff-Krëijß | |
| Dä Rhing-Siish-Krëijß | |
| Dä Rhing-Krëijß Nüüß |
