Wikipedia:Wat sinn dann Klaaf-Sigge?
Us de Wikipedia
(mieh kölsche Beijdrääch)
unn jeshrivve wii_mer_t_shprish
(Anndere Sigge met so_n Beijdrääch)
Mer han dreij aate fun Klaaf_Sigge he beij de Wikipedia. Dat sinn • Klaaf_sigge övver Atikkele, un • de päsöönlijje Klaaf_Sigge fun unß Medmaacher, un zoläz • de Klaaf_Sigge för dä Klaaf övver Sigge, di keijn Atikkelle sin.
Enhaldsüvversich |
[Ändere] Klaaf_Sigge övver Atikkele
Unß Atikkele sen Sigge övver Stėchwööt. Di künnte mer all nämme, ußdrokke, un e Booch druß maache. Wannß_De su jet em Schaaf shtonn häßß, do sůll dadd_e janz nommaal Booch sinn.
Dröm dům_mer all di Saache, di en esu e Booch nidd_erinn paßße dääte, och do eruß hallde. Dat eß, woröm mir di ungersheedlijje Appachtemengs för Sigge hann.
Wenn jäz Eijne jätt övver_enne Atikkel saare well, ättwa „Häßß_De joot jeschrivve“ oddo „Lom_mer doch dä Afshnidd_övver di Domplomp uß däm Attikkel 'Dom (Kölle)' enß op en eijen Sigg kopėere un dann en däm Attikkel 'Dom (Kölle)' jet kööter maache un natüülijj_op die annder Sigk met all ier Ußfüülishkeijdt folinke. Wat Halld_Er do_fun?“ — Jo dat shriive mer nit en dä Atikkel_erinn, sönß wööt unß Booch jo_jät koomish. Do_do_för ham_mer di Klaaf_Sigge.
Op dä Klaaf_Sigge sim_mer unger Unß un Shtüüre un Lässer nit, di jo nuur övver di Stėchwööt jet weßße welle. Unß Klaafereij intreßiert di jo nit. Un jeijt_se och jaanigs_aan!
Wat övver_enne Atikkel ze beschwaade hann, kütt op die Klaaf_Sigk fun däm Atikkel. Dran dängke: Mer shriive op de Klaaf_Sigge zwa för unger Unß, ävver et kann immer noch jede Minsh en de Wälldt di Sigge finge un lässe, wänn_e well. Kann jo och Jede kumme un metmaache!
[Ändere] Päsöönlijje Klaaf
Wäm_mer ävver jäz jät hann, wat bloohß för eijne beshtemmpte Medmaacher jedaach eß, dann shriive mer dämm dadd_op sing persöönlijje Klaaf_Sigk. Nit dat dat do privaat wöör — Jede kann die Sigge lässe — ävver mer weijß jenau, dat do nuur dä äijne Metmaacher aanjeshproche eß.
Su wi en de Weetschaff. Wänn ish däm Manni jet rövver_roofe, an_t andere Eng fun_de Teek. Di jannze Mannschaff hööt met, ävver Jede weijß, dat nur dä Manni jemeijnd_eß.
[Ändere] Dä anndere Klaaf
Di drette Aat Klaaf_Sigge sin_nit övver Atikkele un nit päsöönlish aan Lück jereshdt. Zem Beijshpill enne Klaaf övver di_Sigk_hee, odder övver Bėllder, un esu jät.
En kleinje Ußnoom sinn di Klaaf_sigge över Shabloone, Fürlare, un Makroß, do eß füür däm Klaav_öfv_eeds_enß en opjeschrėvve, wi dat Ding beddendt_weet, un wo_t jood_fö_eß.
