Deventer
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Deventer (Nedersaksisch Demter) is 'n stad en gemeinte in westelik Euveriesel, aon de reveer d'n Iesel. De gemeinte besleit 'n oppervlak vaan 134,38 km2, boevaan 3,08 km2 water en heet per 1 juni 2005 96.259 inwoeners. De gemeinte umvat neve de stad Deventer de plaotse Apenhuizen, Averlo, Bathmen, Colmschate, Diepenveen, Dortherhoek, Lettele, Linde, Loo, Okkenbroek, Oude Molen, Pieriksmars, Schalkhaar, Tjoene en Zuidloo. Sommege vaan die zien mer gehöchte of stadswieke.
Inhawd |
[bewirk] Stadsfuncties
Deventer verzörg e good deil vaan 't Salland en de oostelike Veluwe meh is wel e secundair verzörgingscintrum mèt de groeter stei Zwolle en Apeldoorn in de beurt. Deventer is nog ummer mier op industrie es op deenste geriech.
In Deventer weurt jaorliks de groetste bokemerret vaan Nederland gehawwe.
[bewirk] Stadsgeziech
Deventer heet ein vaan de bes bewoerde binnestei in Nederland. Bezeenswierdeg zien oonder mie de Groete Kèrk mèt häöre "Paeperbusse"-torie, de Waog en de nog gedeiltelik Roemaonse Bergkèrk. Wijers kint de stad talrieke hierehoezer, dèks geconcentreerd in sträötsjes mèt weineg of gein nuibouw. Vaan de singele is nog 't mins bewoerd geblaove.
[bewirk] Historie
In 768 woort Deventer gestiech door d'n Angelsaksischen evangelieprediker Sint-Lebuinus. In 956 kraog Deventer stadsrechte. Vaan de elfde tot de zestiende iew bleujde de stad op es handelsplaots, en lid vaan de Hanze. De bekinde theoloog Geert Groote waor oet Deventer aofkumsteg. Tösse 1559 en 1591 zetelde 'ne bisjop in Deventer, dee door de protestante verdraove woort. In 1783 kaom Deventer in de grip vaan de patriotte. In d'n Twiede Wereldoorlog woort Deventer zwoer gebombardeerd, meh hei blaof zjus 't stadscintrum gespaard.
[bewirk] Gebaore in Deventer
- Jules Croiset, acteur
- Bert van Marwijk, vootbaltrainer
- Jan Pieterszoon Sweelinck, componis
