E-Mail client
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
'nen E-mail client, ouch wel mail user agent (MUA) genump, is 'n computer programma dat weurt gebruuk um e-mail mèt te leze, te sjrieve en te versjikke.
Um e-mail te versjikke weurt het e-mail beriech versjik naor d'n MTA, dee het beriech weijer sjik naor de geadresseerde. 't Protokol wat gebruuk weurt veur 't versjikke hèt Simple Mail Transfer Protocol (SMTP).
Um e-mail op te hole vaan de mailserver weurt gebruuk gemaak vaan versjèllende protokolle. POP3 weurt gebruuk um d'n e-mail vaan de server aof te hole, terwijl Internet Message Access Protocol (IMAP) of IMAP4 gebruuk weurt um 'n kopie vaan d'n e-mail op te hole, boebijj 't origineel op de server blijf stoon.
Daoneve höbste ouch nog webmail. Hij kinste mèt 'ne browser e-mail versjikke. Eigelik is dit niks aanders es 'ne webserver dee d'n e-mail weer doorsjik naor 'ne MTA.
'ne Belaankrieke standaard dee de mieste e-mail clients ondersteune is MIME, dee gebruuk weurt veur 't versjikke vaan binaire e-mail attachments. Attachments zien bestande die gein ónderdeil vaan d'n e-mail zien, meh versjik weure same mèt d'n e-mail.
Messaging Application Programming Interface (MAPI) is 'ne application programming interface (API) vaan Microsoft dee gebruuk weurt um 'ne Microsoft Exchange e-mail server te benadere en weurt beveurbeeld gebruuk door de Microsoft Outlook e-mail client.
