Frédéric Chopin
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Frédéric-François Chopin (gebore es Fryderyk Franciszek Chopin; Zelazowa Wola, Pole, 1 miert 1810 - Paries 17 oktober 1849) waor 'ne Frans-Poolse componis vaan veurnaomelik werreke veur piano solo. Same mèt Franz Liszt weurt heer es eine vaan de groondlègkers vaan de romantische pianistiek en eine vaan de groetste pianiste vaan alle tije gezeen.
Inhawd |
[bewirk] Leve
Chopin woort gebore es zoon vaan 'ne Franse vajer en 'n Poolse mojer. Al mèt 7 jaor begós heer te componere. In 1822 góng heer naor 't conservatorium in Warschau veur piano te studere. In 1831 vestigde heer ziech iers in Wene, later in Paries, boe heer naom maakde es componis en pianis vaan veural zien eige werrek. Heer späölde väöl in salons. In de jaore daarteg begós heer aon tuberculose te lije, boeveur heer vaan 1838 tot 1839 op Mallorca verbleef. In 1836 begós zien oonofficieel relatie mèt sjrijfster George Sand (pseudoniem vaan Amandine-Aurore-Lucile Dupin). Oondanks zien slechte gezoondheid bleef heer componere tot zienen doed in 1849. Heer ligk begraove op 't fameuze Père Lachaise-kèrrekhof in Paries, meh zie hart woort op zien verzeuk ingemetseld in 'ne pilaar vaan de kèrrek vaan 't Heilig Kruus in Warschau.
[bewirk] Werreke
[bewirk] Piano solo
- 4 ballades
- 1 barcarolle
- 1 berceuse
- 1 bolero
- 2 bourrées
- 3 écossaises
- 27 études
- 3 fantasieë (mèt Fantaisie-Impromptu en Polonaise-Fantaisie)
- 1 fuga
- 3 impromptus (zoonder Fantaisie-Impromptu)
- 58 mazurka's
- 21 nocturnes
- 1 polonaises (zoonder Polonaise-Fantaisie)
- 28 preludes
- 4 scherzi
- 3 sonates
- 19 walse
[bewirk] Piano en orkes
- 2 pianoconcerte
- Variaties op La ci darèm la mano vaan Wolfgang Amadeus Mozart
- Krakowiak (fantasie euver Poolse melodieë)
- Andante spianato
- Grande polonaise brillante
[bewirk] Aander werreke
- 20 Poolstaolege leder, veur stum en piano
- Trio veur piano, cello en viool
- Sonate veur cello en piano
- 2 aander werreke veur cello en piano
