Frits Rademacher
Van Wikipedia
Dit artikel is gesjreve in 't Zittesj. 't Weurt gewaardeerd óm in dit artikel 't Zittesj aan te hauwe of aan te gaeve welk anger dialek gebroek is.
Frits Rademacher is 'ne zenger of troubadour oet Zittert. Hae is gebaore op 9 mei 1928 oppe houk van 't Kèrkeplein, bènne de walle van Zittert dus. Wie 'r zös jaor waor góng Frits bie 't jóngeskoor van de Sint Petruskèrk. Later woort 'r lid van 't Zittesj Gemengd Koor en 't koor Crescendo in Dounder. (Doenrade). Zien leidjes sjreef hae zelf. De eesjte twee leidjes waore veur ein revue in Dounder: Dounder mie dörpke klein en Doundesj maedje.
Ouch zóng hae leidjes in de Marottezittinge mèt de Carnaval. Hae sjpeelde dèks op zien gitaar, mer koosj ouch meziek te make mèt de blokfluit, móndjmonika en oppe trèkzak.
Vanaaf 1953 góng hae optrae veur radio Hasselt en de R.O.Z. (of Regionale Omroep Zuid). In 1955 wón hae de Jo Erespries in 't Belzje Neerpelt mèt 't leidje: Ich kèn ein melodieke.
Frits Rademacher zóng ummer in 't Zittesj of dat noe in Dutsjland waor, in Amsterdam of in Belsj. In 1956 waor zien eesjte optrae oppe tillevies, bie Tom Manders. Wie hae in 1976 25 jaor bie de gemeinde wèrkde woort häöm door Johnny Hoes twee gouwe plate oetgereik.
In Zitterd sjteit 'n sjtandbeeld van häöm, es troubadour, gemaak door de beeldhouwer: Sjef Courtens.
[bewirk] Werk
Bekènde leidjes (sjlagersj) van Frits Rademacher:
- Dao woo ich gebaore bèn
- Mien ouwesjhoes
- Loewende klokke
- 't Huikske (of: Wie ich nog e jungske waas)
- Doe bes mie maedje
- De Sjötterie
[bewirk] Sjtäölke
"Doe bes mie maedje, och kèndj ich hawt van dich,
doe modeplaetje, mien allerleifste wich,
mie rozeknupke, ich nuim dich hartedeif,
doe bes mie pupke, kóm ich hawt dich èns leif"
refrein oet "Doe bes mie maedje"
Brón: Veldeke Zitterd
