Göttekaove
Van Wikipedia
Göttekaove (Nederlands: Guttecoven) is e dörp in de gemeinte Zittert-Gelaen in Nederlands Limburg. De naam Göttekaove sjtamp oet 't Frankisch; 't kump van Gudo-inghoven, dat woning van de familie Gudo beteikent. Hiej oet kènt me opmake dat Göttekaove al veur 't jaor 1000 bestjing, mer de eesjte vermeljing van de parochie waor pas op 10 miert 1336.
De kirk van Göttekaove is gewiejd aan de heilige Nicolaas. Ze woort geboewd tösje 1964 en 1966. In de nuuj kirk sjtaon nog dinger oet de awwer kirke, woa-ónger ein 18e-eeuws Nicolaasbeeld, ein klok oet 1517 en ein doupvont oet de daarteende eeuw.
Tösje Göttekaove en Berg aan de Maas lig in 't veldj ein Mariakapel, oet effe veur 1840. In de boesj tösje Göttekaove en de Graathei lègge de reste van 'ne motte, dae hiej "De sjtaol van Zwentibold" wurt geneump.
|
|
|
|---|---|
| Sjtae en dörper: Bor | Beech | Buchte | Einikhoeze | Gelaen | Göttekaove | Houtem | Lömmerig | Munstergelaen | Opbeech | Papenhaove | Zittert | |
| Buurtsjappe en gehuchte: Abshaove | Broukzittert | Danike | Euverhaove | Gebrook | De Graathei | Haagzittert-park | Harrekaove | Hogenberg | Klein Houtem | De Kloes | Kolleberg | De Kraonkel | Laarhof | Lankgraaf | Leiebrouk | De Lèndjheuvel | 't Lömmerigerveld | Lötterao | Oud-Gelaen | Sjpaans Nirbik | Sjpaorkóllenie | Sjtadbrouk | Sjipperskèrk | Vrangendal | De Wèndjraak | |
