Hieërlikheid Mofert
Van Wikipedia
- Dit artikel is gesjreve in 't Moferts. 't Weurt gewaardeerd óm in dit artikel 't Moferts aan te haje.
De Hieërlikheid Mofert haet bestange van halverwaege de dertieënde ieëw toet 1277. Wienieë de Hieërlikheid precies is ontstange, is neet gans dudelik. De hieërlikheid bestóng oet `n aantal gebiede, die ieërs bie `t Graafsjap Gelder huuerde, wo-ónger Berg ane Roer, Vlorp, Lin, Ech en Mofert.
[bewirk] De hieër van Mofert
Hendrik van Gelder, de jóngste zoon van graaf Gerard III van Gelder haet dees Gelderse gebiede in zien bezit gekrege. Hae waas de ieërste Hieër van Mofert en weurd daoróm auch döks Hendrik van Mofert geneump. Hendrik boewdje róndj `t jaor 1260 Kestieël Mofert. De Hieërlikheid is dan auch verneump nao dit kestieël. Op 4 augustus 1277 sjónk Hendrik zien bezittinge aan ziene naef graaf Reinoud I van Gelder. De hieërlikheid huuerdje hiemit op te bestaon en waerdje `t Amb Mofert, `n bestuursdistric in `t Euverkwarteer van Gelder. Hendrik waas daodoor zoeawaal d'n ieërste es de lèste echte Hieër van Mofert. De titel besteit waal nag ummer. Op dit moment haet Kuueningin Beatrix de titel Vrouwe van Mofert.
