Knienechtege
Van Wikipedia
Knienechtege of Lagomorpha zien 'n orde vaan zoegdiere die väöl op knaagdiere liekene en dao veural vreuger dèks bij ingedeild woorte.
Belaangrieke versjèlle mèt de knaagdiere zien:
- Ze höbbe veer snijtan i.p.v. twie;
- 't Scrotum vaan de mennekes zit veur de penis;
- De penis heet gei kneukske;
- Ze ete hun oetwèrpsele soms obbenuits veur mie voedingsstoffe droet te hole.
'n Veurnaom euvereinkoms is tot hun tan, wie bij de knaagdiere, ieweg doorgreuje en ze dus mote blieve knage veur ze neet te laank te laote weure.
[bewirk] Taxonomische indeiling
Dao zien mer twie femilies, mèt twie resp. elf geslachter.
- Pika's (Ochotonidae)
- Echte pika (Ochotona)
- Prolagus †
- Knijns en Haoze (Leporidae)
- Amamiknien (Pentalagus)
- Bunolagus
- Pronolagus
- Nesolagus
- Romerolagus
- Brachylagus
- Ketoenstartknien (Sylvilagus)
- Europese knien (Oryctolagus)
- Poelagus
- Caprolagus
- Echte haoze (Lepus)
