Live 8
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Live 8 waor e cyclus vaan concerte die op 2 juli 2005 gehawwe woorte in neuge versjèllende stei: Londe, Paries, Berlien, Roeme, Moskou, Johannesburg, Tokio, Barrie (Canada) en Philadelphia. Ze woorte georganiseerd nao aonleiing vaan 'n summie vaan de G-8 in Edinburgh, die dao-op volgde. Op die summie zouw naomelik besloete weure wat me vaan de sjölde, die de oontwikkelingslen in veural Afrika höbbe, zouw kwietsjelle. Daorum woort in eder G-8-lidstaot en in Afrika e concert gehawwe. De artieste pledeerde veur e coulante hajding vaan de rieke len.
De naom Live 8 waor e zinspeuling op de twinteg jaor trök gehawwe Live Aid-concerte, die ouch veur Afrika bedoeld waore en hendeg succesriek waore verloupe. De 8 sloog op de G-8.
Al concerte waore 'n eclatant succes. Tot de optrejende artieste behuurde U2, Paul McCartney, Robbie Williams, The Who, Björk, Shakira, Muse, Neil Young, Madonna, Andrea Bocelli en Pink Floyd. De concertreeks waor de groetste popmanifestatie oets gehawwe.
 |
De kans Wikipedia helpe door 't aan te völle |
