Navajo (taol)
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
't Navajo, ouch Navaho (inheimse naom: Diné bizaad) is de taol vaan 't gelieknaomeg volk die in de Amerikaanse staote Arizona, Utah, New Mexico en Colorado gesproke weurt. De taol heet roond de 150.000 sprekers en is daomèt de meis gesproke indianetaol in de Vereinegde Staote; 't is mesjiens zelf de einege taol in de VS en Canada die neet mèt oetsterve bedreig weurt.
't Navajo huurt bij de zuid-Athabaskische taole.
't Navajo heet veer toene, teminste veur lang vocale, noamelik constant hoeg, constant lieg, stijgend of vallend. De korte vocale kinne allein hoeg of lieg zien. Grammaticaol is 't Navajo erreg agglutinerend en veural hiel erreg geconcentreerd um 't verb, wat erreg gecompliceerd is en talloos suffixe kin höbbe.
't Navajo woort in d'n Twiede Wereldoorlog gebruuk es basis veur 'n codetaol bij 't Amerikaans leger.
