Normandisch
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
| Normandisch | ||
|---|---|---|
| Inheimse name: | N(u)ormaund | |
| Gekald in: | Normandië, Kanaaleilen | |
| Classificatie: | Indo-Europees Roemaans Gallo-Roemaans Oïl Normandisch |
|
| Aantal sjpraekers: | ca. 50.000? | |
| Cónservatiegraod: | èrnstig bedreig | |
| Officieel taal: | erkinning in 't Brits Gemenebes | |
| ISO-639-code: | --, roa, nrm | |
't Normandisch (Normaund, variante Guèrnésiais op Guernsey, Jèrriais op Jersey en Sèrquiais op Sark) is 'n Franco-Roemaanse oïl-taol die gesproke weurt door 'n klein minderheid vaan de inwoeners vaan Normandië en de Kanaaleilen. Op Jersey is 't erkind door de regering vaan 't eiland, meh neet es officieel taol; de regering bevordert wel 't oonderwies in de taol en heet e programma opgestèld um 't gebroek vaan de taol te bevordere. De Britse Kroen erkint de taol(e) volges sjapieter twie vaan 't Europees Handves veur Minderheidstaole.
[bewirk] Kinmerke en verwantsjappe
't Normandisch slut in 't noorde aon bij 't Picardisch, in 't zuidweste bij 't Gallo en in 't zuidooste bij 't Frans (eigelik Francien). 't Weurt in e noordelik en zuidelik deil gesplete door de ligne Joret; dees isoglosse markeert 't versjèl tösse tchièn ("hoond") in 't noorde en kièn in 't zuie. De taol kinmerk ziech veural door e groet aontal vocaolveranderinge.
[bewirk] Historie
't Normandisch is lexicaol sterk beïnvlood door de 't Aajdnoors, de mojertaol vaan de Noormanne. 't Waor de mojertaol vaan Willem de Vereuvereer en 't waor daan ouch dit Frans, neet 't dialek vaan Paries, wat de taol vaan de Ingelse elite in de Middeliewe woort. De doezende Romaonse wäörd in 't Ingels zien veurnaomelik vaan Normandische aofkoms.
[bewirk] Externe link
 |
De kans Wikipedia helpe door 't aan te völle |
