Olifante
Van Wikipedia
Olifante is de Limburgse naom veur 'n orde zoegdiere, de Proboscidea, en 'n femilie diere, de Elephantidae, die vaandaog d'n daag de einege femilie is. Aander families leefde in d'n Iestied. De olifante zien de groetste laanddiere die allewijl op Eerd leve. Es herbivore stoon ze evels neet bovenaon de voodselkete.
De olifante zien in twie genera en drei soorte oonderverdeild:
- Afrikaanse olifante (Loxodonta)
- Savanneolifant (Loxodonta africana)
- Bosoloifant (Loxodonta cyclotis)
- Indischen olifant (Elaphas maximus).
Alle drei diere zien direk te herkinne es olifante; de versjelle zien neet opvallend.
Olifante zien gewèld um häör ivoor. Naotot door groetsjaolege sjas hiel väöl olifante verdwene en 't bies mèt oetsterve bedreig raokde, traoje internationaal verdaoge in wèrking en woort de handel in en sjas op ivoor in väöl len verboje. Allewijl zien 'rs in sommege len alwier bekaans te väöl olifante, meh in aander len geit 't noch ummertouw slech.
