Rowwen Hèze (band)

Van Wikipedia

Dit artikel is in versjillende Limburgse dialekte gesjreve. Ómdat 't plaotsgebónje is maags doe 't ómzètte nao 't Peellands, as te dit dialek sjpriks.

Rowwen Hèze is 'ne band oet America, gemeinte Haors aan de Maas, dee in 't dialek zingk. Heer besteit oet Jack Poels (zaank, gitaar), Theo Joosten (gitaar, achtergroondzaank), William 'Tren' van Enckevort (accordeon, piano, trombaone), Jack Haegens (trompöt), Jan Philipsen (bas) en Martin Rongen (dröms). 't Dialek vaan hun dörp en streik, 't Peellands, huurt tot de euverganksdialekte tösse 't Limburgs en 't Braobants. Ze höbbe ouch lendelik succes.

[bewirk] Naom

De naom Rowwen Hèze is aofgeleid vaan 'ne derpsfiguur, deen de naam Rowwen Hèze haj (op zien Nederlands: ruwe, onbeschaafde, of onverschillige Hesen). Dizze verhoesde end nigetiende ieuw, begin twintigste ieuw aan de rand vaan ut drupke America. Christiaan Hesen waar enne hoeveringwekkend verschiensel: stoppelboard, kraassende stem, enne leage, rottende oegkas, geklied in lompe beejiengehooje door iezerdroad. Ut waar al met al en fraai pletje. Overmoatig drankgebroek en kilo´s proemtabak makte zien imao as 'den Rowwen Hèze' (op zien Nederlands: de lompe Hesen).

[bewirk] Stiel

De sound vaan Rowwen Hèze, die dèks door critici gepreze weurt, baseert ziech op versjèllende broone, meh veurnaomelik die vaan Europees of Euro-Amerikaans (en neet Afro-Amerikaans) kläöring. De famfaar- en feesmuziek is zeker aonwezeg, meh veural de tex-mex (of cajun) en in minder maote de Anglo-Keltische folk zien aonwezeg. In hun albums is 'n evolutie te zien vaan euverwegend feesmuziek nao 'depere' folk.

Hun tekste goon ouch euver oetereinloupende dinger: vaan conteplaties euver veurbij tije tot leedsjes euver beer drinke. Bekind woort ouch de song euver 't plat: Kwestie van Geduld, boerin me, in 't Nederlands, oetlègk wie de Limburgse taol en cultuur ziech euver de res vaan Nederland zalle verspreie.

[bewirk] Inspiratiebronne

De mierste nummers weare geschreve dur den zanger Jack Poels. Al gauw bliekt dat deen enne woare poëet is: den sgrieft den iene kier over t dronkeschap en de kater bej den volgende merge, den angere kier over de dorpsfanfaar (die enkele leeje vaan de band hed geleverd) en daan wer over de natuur en ut leave in den piel. Noa de geborte vaan zien zeunke Jan in 1999 hed dem ok over de vreuge en de sgoow vaan ut vaderschap geschreve (op den CD 'Vandaag'), en de verwerking vaan zien echtscheiding stieut op de CD 'Dageraad'. In 2003 kwaam ut leedje Vlinder oet vanweage de moord op ut 11-jeurige jungske Nicky Verstappen. Aloewel Jack Poels ut grutste diel vaan de nummers hed geschreve, blieke ok de angere bandlede stiks creatiever te weare. Martîn Rongen hed ok en paar nummers geschreve, woaronder 'Nacht', Theo Joosten schreef ut oapenhartige 'genne gojje mood', dat ok door um werd gezonge, Op ut album 'Dageraad' naam Tren van Enckevort ut schrieve vaan twieje nummers vur zien reakening, woaronder 'Dichterbeej'.

[bewirk] Sociologische positie

Oondanks 't gegeve tot ze muzikaal wied oeterein ligke steit de band sociologisch kortbij 't ouch in 't dialek zingende Normaal: hun veurnaomste publiek kump oet de plaostelike boerejäög en hun podium is de fiestent. Hun cóncerte zien dèks hiel leventege gebäörtenisse, woebij väöl beer gesjöd weurt en de Limburgse identiteit sterk benaodrök weurt. Evels zien ze bij 't publiek vaan boete Limburg meender es Normaal aon de boerestaand verboonde en kin me dao hun muziek good waordere, wat tot uting kump in bev. toers door 't theater.

[bewirk] Discografie

Rowwen Hèze (alleen op vinyl) (1987)
Blieve loepe (1990)
Boem (1991)
In de wei (1992)
Station America (1993)
Zondag in 't zuiden (1995)
Water, lucht en liefde (1997)
't Beste van 2 werelden (1999)
Vandaag (2000)
Dageraad (2003)
Andere wind (2004)
Kilomeaters (2005)
Rodus & Lucius (2006)

[bewirk] Hitsingles

Bestel mar (#13)
Kroenenberg (#32)
Twieje wurd
Rowwen Hèze (#33)
Ay yay yay
The moon is mine (i.s.m. Flaco Jimenez; #31)
't Roeie Klied (verduutsing vaan de Beierse schlager Koa Hiatamadl; #18)
Zondag in 't Zuiden (#34)
De neus umhoeg (#13)
Limburg (#22)
En dan is het maar dom
Klompendans
Lucht
November (#41)
Vur de kerk op 't plein (#36)
Auto Vleegtuug
De Peel in brand (#13)
Vechte valle en opstaon
Blad an de palm

De volgende sectie van dit artikel is gesjreve in 't Norbiks.

[bewirk] Varia

Tiedens concerte in Limburg werre de muzikante mit beer bekogeld terwiel gewète is dat de artieste dat vanzelfsjpraeëkend neet waardere. De discrepantie tussje 't artistieke nivo en de sociologische positie in Limburg is opvallend vervraemdend.