Sjteil
Van Wikipedia
- Dit artikel is gesjreve in 't Mestreechs. Ómdat 't plaatsgebónje is, maogs doe 't ómzètte nao 't Tegels, as te dit dialek sjpriks.
Sjteil (Nederlands Steyl) is e dörp in de Nederlands-Limburgse gemeinte Venlo, te weste vaan Tegele, mèt good 3.000 inwoeners.
Sjteil waor vaanajds e gehuch (rectoraot, gein zelfstendege parochie) bij Tegele. De bleuj begós wie 't woort ingeriech es vlöchplaots veur tegestenders vaan 't rezjiem vaan Otto von Bismarck in Duitsland. In 1875 stiechde paoter Arnold Janssen 'n seminarie in Sjteil, wat oonder zien leiing tot 'n ech kloesterdörp zouw oetgreuje: heer stiechde drei kónkergaties (die alledrei nog bestoon) en nao zienen doed volge 'n veerde (noe opgeheve). De missiepaoters vaan Sjteil woorte alum bekind, en in 't dörp vint me 't Missiemuseum, mèt väöl veurwerpe oet oetheimse culture die de missionaire höbbe mètgebrach. In 1933 woort Sjteil 'n zelfstendege parochie. Tot 2001 huurde Sjteil bij de gemeinte Tegele.
In Sjteil kaom de vastelaovendsvering veur e dörp vaan dezen umvaank vreug op geng: in 1883 begós 't Kaetelgerich: e volksgeriech boebij lui oet 't dörp die ziech misdraoge höbbe te kieke gestèld weure.
