Stijn Coninx
Van Wikipedia
Dit artikel is gesjreve in 't Kinders. 't Weurt gewaardeerd óm in dit artikel 't Kinders aan te hauwe of aan te gaeve welk anger dialek gebroek is.
Stijn Coninx (Neerpelt 21 februari 1957) is 'n Vlaoms-Bèlsje filmrégesseur.
Hae studeert regie aan 't HRITCS in Brössel. Z'n eindwèrk Servais in 1980 is 'n dokementèèr euver de Bèlsje teikenfilm régesseur Raoul Servais. Hae begènt zien karjaer es assestent bie versjillige Bèlsje régesseur.
In 1987 regesseert hae zien ieste langspeulfilm, de kemedie Hector mèt Urbanus inne hoofrol. 'n Twieëde kemedie Koko Flanel volg in 1990, weeral mèt Urbanus es hoofrol. Dees kemedies kenne 'n groewt suksès bie 't pebliek.
In 1992 veràngert hae van richting mèt 't biografes drama Daens euver de preester Adolf Daens. 't Lèvert hum 'n nommenatie veur bèste ángerstaolige film bie de Oscaroetreiking van 1993 op.
[bewirk] Filmografie
- Verder dan de maan (2003)
- Licht (1998)
- Daens (1992), genommeneerd veur de Oscars in 1993
- Koko Flanel (1990)
- Hector (1987)
[bewirk] TV
Veur TV regesseerde hae óngerangere Het Peulengaleis en de audjaorspregrém Nefast voor de feestvreugde.
[bewirk] Extern linke
Stijn Coninx oppe Internet Movie Database
