Toear
Van Wikipedia
- Dit artikel is gesjreve in 't Mestreechs. Ómdat 't plaatsgebónje is, maogs doe 't ómzètte nao 't Toears, as te dit dialek sjpriks.
Toear (op z'n Hollands Thorn, daodoor ouch dèks Thoear gesjreve) is e stedsje in de Midde-Limburgse gemeinte Maasgoew mèt 2.600 inwoeners (1 augustus 2006). Häöre bijnaom is 't Wit Stedsje, vaanwege de witte mör die väöl hoezer in 't centrum höbbe. Toear ligk aon de Belzje grens, kortbij Kaesing.
[bewirk] Historie
Toear is aon 't eind vaan de tiende ieuw oonstoon roond e benedictinessekloester. Dees abdij greujde in de Riddertied oet tot 'n stif, later zelfs tot e vorstedom, 't kleinste vaan 't Heileg Roems Riek. In 1354 kraog 't pläötske stadsrechte. Nao de Tachtegjaoregen Oorlog bleef 't bestoon, tot de Franse bezetting in 1797 'n ind draon maakde. Tösse 1830 en 1839 waor de plaots in Bèlsje han. Sins 1 januari 2007 maak Toear deil oet vaan de nui gemeinte Maasgoew, boe-in wijers nog Brach en Hael opgónge. Op 't memint vaan häör opheffing waor Toear mèt 2600 inwoeners, 'n oppervlak vaan 6,60 km² en gein ander kerne es Toear zelf wiedoet de kleinste gemeinte van Nederlands Limburg.
[bewirk] Harmonieorkeste
Toear is internationaal bekind um 't hoesveste vaan twei op hoeg niveau speulende harmonieorkeste, boetösse 'n serjeus rivaliteit besteit: de Koninklijke Harmonie (de "bök") en de Harmonie St.-Michaël (de "geite"). Dees twie orkeste bepaole 't gaans dörpsleve. In 1999 zien 't dörp en zien twie orkeste geportretteerd in de documentair Bokken en geiten vaan Hans Heijnen, dee gaans in 't Toears dialek gesproke is.
