Toremeule
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
'n Toremeule is 'n ronde, zwoer gebojde steine windmeule veur 't maole vaan graon. De ajdste vermelding vaan dit soort meules in Nederland is vaan veur 1441. In Nederland gief 't nog 4 vaan dees meules in Lienden, Zeddam, Zevenaar en Grónsveld.
De meules in Lienden, Zeddam en Zevenaar zien zoegenaomde binnekruiers, woebij de kap vaan binnen oet op de wind weurt gekruid (gedrejd).
[bewirk] De meule van Grónsveld
De meule van Grónsveld (gelege kort bij de wiek De Heeg), is 'ne boetekruier, woebij de kap aon de boetekant mèt 'ne houte start op de wind weurt gekruid. Ze is tösse 1618 en 1623 gebojd in bakstein mèt speklaoge. De belt (of 't bergske rónd um de voot van de meule) stamp oet 1766. In 1959 en 1992 is ze gerestaureerd. In 2006 is de boetekant gans opgeknap. Zie is de mies zuidelik gelege windmeule vaan Nederland.
