Urk
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Urk is e veurmaleg eiland, 'n gemeinte en 'n plaots in de Nederlandse provincie Flevoland, aon 't Ieselmeer. 't Ligk op 'ne kleileimbult, westelik in de Noordoospolder. De gemeinte had op 1 januari 2005 17.267 inwoeners en 't oppervlak besleit, inclusief water, 109,92 km²; 't eiland allein besleit mer zoe 12 km².
Urk is bekind es hendeg geïsoleerde eilandgemeinsjap. Houwelike mèt lui oet ander dörper zien dudelik in de meenderheid. 't Plaotselik dialek is wel 't levendegs gebruukde vaan gans Nederland. De wèrkgelegeheid is einzijeg: Zoe good wie ederein wèrk temeenste e tiedsje in de vèsserij. De bevölking steit bekind um zienen orthodox-christeliken aard.
[bewirk] Dörpsbeeld
Boete 't aajd eiland ligke inmiddels oetgebreide woenwieke en industrieterreine; 't cintrum besleit 't gans eiland. 't Dörp heet 'n aontal typische vèsserhuuskes en e markant kèrkske. De jachhave weurt dèks aongedoon door toeriste.
[bewirk] Historie
Urk weurt veur 't iers geneump in 996, es d'n Duitse keizer 't eiland euverdeit aon 'n Utreis kloester. In de ieuwe daonao verkleint d'n umvaank vaan 't eiland ummer mie, tot d'n huidegen umvaank bereik weurt. Vaanaof 1660 behuurt Urk, mèt Emmeloord op Schokland, tot de gemeinte Amsterdam, die zörgdraag veur de waterkiering dao. In de negentiende ieuw weurt Urk 'n eige gemeinte en kump 't bij Noord-Holland. In 1939 weurt 't eiland mèt 'nen diek mèt 't vasteland verboonde en in 1942 kump de Noordoospolder veerdeg, dee 't eiland oet zien ergste isolemint haolt. Vaanaof 1950 huurt 't bij Euveriesel, en in 1986 weurt Urk bij de nui gevörmde provincie Flevoland geveug.
[bewirk] Externe link
| Flevoland | |
|---|---|
|
Almere | Dronten | Lelystad | Noordoospolder | Urk | Zeewolde |
|
