Walvèsechtege
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
De Walvèsechtege of Cetacea zien 'n orde vaan aquatische zoegdiere; meist ziebewoeners. De lejer weure in de volksmoond walvèsse, dolfiene en broenvèsse geneump. Zoöloge goon die naome meistentieds oet de weeg, umtot de taxonomie de bieste aanders indeilt.
De walvèsechtege zien wel geëvolueerd oet de Evehovege. Ze zien evels gans en gaaroet aon 't waterleve aongepas: hun väörpu zien vinne geweure en hun achterpu zien gemarginaliseerd tot stumpkes oonder de huid. Ze zien gestroomlijnd veur good deur 't water te kinne sjete en aoseme door e look bovenop de kop, wat ze aof kinne slete es ze oonder water zien.
Väöl vaan de walvèsechtege höbbe 'n groete intelligentie. Gemiddeld zien de bieste intelligenter es de Aapechtege. Versjèllende dolfiensoorte, veural d'n toemeleer en d'n orka, weure veur gecompliceerde dressuur ingezat; dees twie soorte höbbe meugelik 'ne vörm vaan taol.
[bewirk] Taxonomische indeiling
De walvèsechtege weure in twie oonderordes verdeild, en in veertien femilies.
- Baardwalvèsse (Mysticeti)
- Noordkapers (Balaenidae, 4 soorte)
- Vinvèsse (Balaenopteridae, 9 soorte)
- Grieze Walvès (Eschrichtiidae, 1 soort)
- Dwerggladwalvès (Neobalaenidae, 1 soort)
- Tandwalvèsse (Odontoceti)
- Superfemilie revierdolfiene (Platanistoidea)
- Amazonerevierdolfien (Iniidae, 1 soort)
- Chinese revierdolfien (Lipotidae, 1 soort, woersjienelik oetgestorve)
- Indische revierdolfien (Platanistidae, 1 soort)
- La Plata-dolfien (Pontoporiidae, 1 soort)
- Narwalechtege (Monodontidae, 2 soorte)
- Broenvèsse (Phocoenidae, 6 soorte)
- Potvès (Physeteridae, 1 soort)
- Valse potvèsse (Kogiidae, 2 soorte)
- Snavelwalvèsse (Ziphidae, 20 soorte)
- Dolfiene (Delphinidae, 35 of 36 soorte)
- Superfemilie revierdolfiene (Platanistoidea)
