Wienesraos

Van Wikipedia

Dit artikel is gesjreve in 't Wienesraos. 't Weurt gewaardeerd óm in dit artikel 't Wienesraos aan te hauwe of aan te gaeve welk anger dialek gebroek is.

't Wienesraos (oetsjpraoëk: Wiënesraoës) is 't dialek dat ze kalle in Wiënesraoë (Raoë), Laor, G'n Vink, Brómmele, Muëleveld en Zjwier. De inwuënesj va dees gehuchte ginge en gunt ummer naoë g'n sjoeël i Raoë.

Gesjreëve volges de Veldeke-Limburg-sjpelling 2003

[bewirk] Kènmerke

Wat 't dialek betref heët dit dialek dezelfde kènmerke es väöl ander Limburgse dialekte.

De vuurnaamste kènmerke van deze groep Limburgse dialekte mèt Zjwierse vuurbeëlde:

1 groëte variatie aan klinke(r)sj

neëve de Nederlandse klinkersj (a, aa, o, oo, u, uu, i, e, ee) heët 't Wienesraoës en 't Zjwiers oeë (sjoeën, sjoeël); ieë (kieës, twieë); aoë (maoën, taoëfel),( uuë (kuuël, duuëske) en äöë (sjäöëp, bäöëg) mètklinkersj: sj (sjaoëp, flesj); zj (zjwumme, zjwaasj), gk (zègke, hègke)

2 de oppositie: sjleëptoeën - sjtoeëttoeën

wieës (wijs=slim) - wieës (wijs=melodie)
ouch (ook) - oug (oog)
graaf (graf) - graaf (graaf)
erm (arm zn/bn) - erm (arm zn/ bn)
sjoon(schoen) - sjoon (schoenen)
weëg (weg) - weëg (wegen)
knieën (konijn) - knieën (konijnen)
heë zink (zinken) - heë zingk (zingt)

3 de zachte 'g':

die wuurt ouch in Vlaandere en Brabant gebruuk.

4 t-deletie + n-deletie:

nacht> nach, nachte; zacht> zach, zachter; licht> leech> leechte
zeven> ziëve; dromen> druime, druimenteëre, wonen> woëne, lachen> lache, lachenteëre

5 drie woerdgesjlachte:

mannelijk: d'r fiets (eine fiets, miene fiets, deë fiets)
vrouwelijk: taoëfel (ein taoëfel, mien taoëfel, dien taoëfel)
onziedig: water (e water, mie water, 't water, dat water)

6 umlaut en ablaut bie bep. werkwuurd, mieëvoudsvörming en verkleinwuurd:

eëte-aoëte; geëve- gaoëve; grave-graoëve
sjaoëp: sjäöëp, sjäöëpke; pot: pöt, pötteke
tas-tesj, appel-eppelke, jóng-junke

7 assimilatie

regressieve p>b ; t>d sjtóp(b)aaf; sjtraoët(d)op; heë wachde (hij wachtte); zie sjtopde (stopte); sjtaakde (sjtaakte); plaatsde (plaatste); kaoëkde (kookte)
progressieve d>t op te (de) mert; geës te (doe) mèt

8 wederkerend voornaamwoord

Wils doe mich dat haoële; höbs doe mich de taoëfel gedèk? Ze höbbe zich 'n koeël gegrave

9 verandering van de sch in sj

school- sjoeël; schaats- sjaats; schat- sjat

10 sj aan 't begin en eind van 'n woerd

straat- sjtraoët; stro- sjtruuë; slapen- sjlaoëpe; smeren-sjmeëre; stoten- sjtoëte; snaren- sjnaoëre
fles-flesj; as-esj; bos-bösj, was-wesj, tas-tesj

11 De wuurd ich, mich, dich, ouch

(Nederlands: ik, mij, jij en ook)

12 't gerundum op -enteëre of -teëre (allein in Zuud-Limburg). Dit is 'n zelfsjtendige verbaoëge vörm van de onbepaalde wies van 'n wèrkwoerd, dat 'n 'handeling' aageuf. Loupenteëre, varenteëre, kiekenteëre, zingenteëre, fietsenteére, roukenteëre, sjpiëlenteëre.

[bewirk] Wat opvèlt

(kènmerkend vuur de dialekte oeëstelik van de lien verticaal langs Klumme)

Lidwoerd d'r

Vuur mannelik zelfsjtendige naamwuurd (en ouch mannename) wuurt uëver 't algemeën d'r gesjreëve: d'r weëg; d'r fiets, d'r wage, d'r auto, d'r Piëter, d'r Sjang

r-sjoew

Bie sómmige wuurd weë(r)t de r weggelaoëte es 'n s, t of st volg:.zjwa(r)t, ieë(r)sjte, gaa(r)d, woeë(r)sj, weë(r)t (wordt), eë(r)d (aarde), peëd (paard), inwuënesj (inwoners).

Naoësjleëg

Hieël opvallend in 't dialek van hie en naoë 't oeëste va Zuud-Limburg is 't gebroeëk van naoësjleëg in d 'r oeëtsjpraoëk va bepaoëlde wuurd mèt lang klinkersj. Zoëne naoësjlaag wuurt genotieërd mèt ein trema op de ë. Vuur 'n r hoof d'r naoësjlaag neet ummer genotierd te weëre umdat ze (bie sómmige sjleëptoeënwuurd) vazelf in d'r oetsjpraoëk te huëre is. (verkierd (verkeerd), duur (deur), vuur (voor)

[bewirk] Vuurbeëlde mèt naoësjlaag

eë (ee-wuurd mèt e-naoësjlaag) (in 'n aoëpe lettergreëp ouch eë)

beëk (beek); heë (hij); deë (die); eë(r)d (aarde) ; heëm (heem); weë(r)d (waarde); beënde (beemden); vleëgel (vlegel, stout kind); zjweëgel (lucifer); peëd (paard); leëm (leim, grond,aarde); peëdje (paadje); meëdje (meisje); reëge (regen); foeteleer (bedrieger); hoddeleer (klungelaar); leëg (leeg); vreëte (vreten); reëkel (haas, kwajongen); sjeël (scheel); leëze (lezern); keël (kerel; keel); zeëg (zaag); sjeël (scheel); teënge (tegen); weëte (weten); reëge (regen); neë (nee); neëve (naast);

ieë: (ie-wuurd mèt e-naoësjlaag) (in 'n aoëpe lettergreëp ië)

kieës (kaas); ierlek (eerlijk); wiënig (weinig); wieërt (vijver); niëtel (brandnetel); kieësj (kers); kriëmer (kramer); liëlik (lelijk); hiëring (haring); liëre (leren); iëker (iedere); tieën (tien); tiëne (tenen); twieë (twee); kiëke (kijken); sjtiëgel (stegel, draaihek); ziëker (zeker); bieë (bij); mieë (meer); mieën (mijn); dieën (jouw); hiëmel (hemel); sjnieë (sneeuw); sjieëm (schaduw); sjier (schaar); wienieë (wanneer); zieël (ziel); ziëve (zeven)

oeë: (oe-wuurd mèt e-naoësjlaag) (in 'n aoëpe lettergreëp oë)

broeëd (brood); doeëd (dood); doeës (doos); groeët-groëter (groot, groter); sjoeën (schoon, mooi; schoen); sjoeët (schoot); sjoëtel (schotel); koeëd (kwaad); loeëd (lood); noëte (noten); kroeëd (kruid); sjtoeët (stoot); sjtoëte (stoten); sjoeël (school); kroeësjel (kruisbes); hoeëg (hoog); hoëger (hoger); oer (oor); oëre (oren); loeës (loos, verstandig); sjpoeëk (spook); sjproeët-sjproëte (spruit-spruiten); woeërt (wordt); woerd (woord); sjroeëp (stroop); zoeë (zo); oeët (uit); noeë (nu); roeës (roos); roëze (rozen); roeëd (rood); roëzekrans (rozenkrans); voëgel(vogel) uuë:(uu-wuurd mèt e-naoësjlaag) (in 'n aoëpe lettergreëp uë) sjtruuë (stro); muële (molen); duuëske (doosje); sjuëtelke (schoteltje); uuërke (oortje); huëre (horen); vuur (voor); vuëgelke (vogeltje); zuëmere (zeumeren, verzamelen van resten); huëge (ophogen); onnuëzel (onnozel); bruuëdje (broodje); nuëge (negen)

aoë (ao-wuurd mèt naösjlaag) (in 'n aoëpe lettergreëp ouch aoë)

aoëp(e) (open); naoë (na); vraoëg (vraag); raoë (raden); Raoë (Wijnandsrade); baoëm (bodem); laoëk (prei); haoël (hol); haoëze (kousen); sjlaoëpe (slapen); taoëfel (tafel); sjaoëp (schaap); maoën (maan); baoëve (boven); paoët (poort); jaoë (ja); maoët (maat); draoëd (draad); sjtraoët (straat); maoëge (mogen); belaoëve (beloven);

opm. Sóms wuurt dizze aoë-klank ouch waal mèt de combinatie oa gesjreëve (In Kirchroa e.u. bv.)

In Valkeberg e.u. wuurt die oa gesjreëve vuur wuurd mèt oea-klanke: sjroap, doas, road)

[bewirk] Name

Wiënesraoëse en Zjwierse familiename.

Vuur 'ne achternaam zeët me in väöl Limburgse dialekte va: va Brand (Brand); va Biëmelmans (Bemelmans); va Bex; va Bruls; va Dreëse (Driessen); va Eëres (Erens); va Franse(n); va Habets; va Hoebbe (Houben); va Jónge (Jongen); va Jaoëkobs (Jacobs); va Linze (Linssen); va L'Ortye; va Kicke (Kicken); va Marell (Marell); va Meërtes (Meertens); va Miëse (Meessen); va Moëdesjheëm (Mooderscheim); va Mulkes (Mulkens); va Nieëste (Nijsten); va Sjniëdesj (Snijders); va Sjteëns (Steins); van de Wimmer of va Wimmesj (Wimmers)

Wiënesraoëse en Zjwierse vuurname

(vuur 'ne jóngesnaam zeët me d'r ; vuur 'ne meëdjesnaam zeët me 't).
't An (Anna), d'r André, d'r Drikkes: d'r Driek (Andreus),'t Plien (Paulina), 't Merie, 't Maria (Maria),'t Lies_, 't Lieske (Elisabeth),'t Fientje (Josephina), 't Mien, 't Mina, d'r Wiel, d'r Willem, (Wilhelmus, Wilhelmina), 't Nèt(teke) (Antoinette), d'r Neer (René), d'r Giel, d'r Gieliam (Guillaume), d'r Bertus, d'r Bert, d'r Albeër, d'r Beër, d'r Huub, d'r Lambeër (Albertus, Hubertus, Lambertus), d'r Harie (Henricus), d'r Karel (Carolus), d'r Nieël, 't Neëleke (Corneëlis), d'r Lewie (Lodewiek), d'r Frens, 't Sieska (Franciscus), d'r Fón (Alfons), d'r Lei, d'r Leio (Lodewiek, Leonardus), d'r Joep, d'r Zef, (Joëzef), d'r Zjeën (Eugène), 't Liëna, 't Leën(eke) (Magdalena), d'r Math, d'r Jeu (Matheus), d'r Martien (Martinus), d'r Jan, d'r Joëhan, d'r Zjaoën, d'r Sjeng, d'r Zjeng, d'r Sjang, 't Sjan (Joëhannes), d'r Pierre, d'r Piëter (Petrus), d'r Zjaak (Jaokob)