Dialek Banten Lor

Sekang Wikipédia, Ènsiklopédhi Bébas basa Banyumasan: dhialék Banyumas, Tegal, Cirebon karo Jawa Serang/Banten lor.

[sunting] Prakata

Sub Dialek Banten Lor utawa Jawa Serang kuwe dituturna utamane nang sisih lor Kabupaten Serang, Propinsi Banten. Pada baen karo sub dialek basa Banyumasan liyane, dialek Banten Lor kiye dianggep dialek kuna tur akeh kenang pengaruh basa Sunda karo basa Betawi.

[sunting] Sejarah

Sub dialek kiye molai dituturna jaman Kesultanan Banten (abad 16). Jaman kuwe sub dialek kiye pada baen karo dialek Banyumasan umume ning merga lokasine anane nang tlatah Sunda, dialek kiye kenang pengaruh kuat sekang basa Sunda, uga merga interaksi masyarakate karo tlatah Betawi utawa Jakarta, sub dialek kiye uga kenang pengaruh basa Betawi.

Ana sing nyebut nek sub dialek Jawa Serang (Jaseng) kiye jane bagian basa Sunda, kiye pendapat sing ora nganggo kajian sejarah. Kabeh basa sing dituturna daerah pesisir lor pantai Jawa Barat (kecuali basa Betawi) kuwe jane esih ana kaitan sejarah karo basa Banyumasan utawa basa Jawa umume. Ngantek siki baen akeh kosakatane sing jelas-jelas pada karo kosakata basa Banyumasan. Bedane umume nang tuturan huruf akhir, angger basa Banyumasan nganggo huruf 'a', nang basa Jawa Serang dadi 'e'.

Miturut ahli basa: E.M. Uhlenbeck, 1964, neng bukune A Critical Survey of Studies on the Languages of Java and Madura, The Hague: Martinus Nijhoff, basa Jawa Serang kuwe termasuk kelompok rumpun basa Jawa bagian kulon. Sub dialek rumpun basa Jawa kulon kuwe antarane: