User talk:Maori rahi
Nō Wikipedia Māori
Kia ora, ko koe te mātāmuri o ngā kaimahi kua rēhita e 141!
Rārangi kōrero |
[edit] Kia ora!
Kātahi anō au ka kite i tēnei pānui, ā, kua whakamātau atu nei au ki te ako mō ngā wāhi kē i runga i a "Wikipunenga". Kāore rawa au e mātau ana kia whakamahia tēnei pae tukutuku - otirā, e ako haere ana au me pēwhea nei e au te tāuta atu nei ki runga ki tēnei mātāpunenga.
He mea pai kia kite atu ra i tētehi hapori e whakawhanake ana i ngētehi rauemi ki tēnei puna mātauranga.
Kia ora ki tāu mihi,
Nā Tāne
[edit] Nau mai, haere mai!
Uea ki a Ranginui e tū iho nei, Uea ki a Papatuanuku e takoto ake nei. Uhi! wero! haramai te toki! Haumi e! hui e! Tāiki e!
Tēnā koe Maori rahi!
Nau mai, haere mai, whakatau mai ki te Wikipedia Māori! Tēnei te tuku atu nei i tā tātou mātāpunenga kia tirotirohia e te katoa. Kei konei ia - ōna piki, me ōna heke, ōna tika me ōna hē - hei tango mā te tangata. Kia ora rawa atu koe mō āu mahi i konei. Ko te tumanako, ka pai ki a koe tēnei paetukutuku. Tēnā koa, tirohia ngā tikanga o tēnei Wikipedia me ngā whakamārama mō te mahi whakatika. He whakamārama atu anō ki Hau Kāinga, ki Tomokanga hapori. Hei tuku mai i ōu pātai, ōu whakaaro rānei, haere ki Kōrero.
He maramara atu anō
- Tēnā koa, hainatia āu mahi i runga i ngā whārangi kōrerorero ki ngā tohu ngaru e whā, kia pēnei: (~~~~); kia puta mārama ai tō ingoa, me te rā i tuhituhi ai koe.
- Hei wāhi parakitihi i ngā mahi whakatika, haere ki te Papa tākaro.
He whakamārama anō ki te Wikipedia Reo Pākehā
- Mō ngā tino tikanga a te Wikipedia (he reo Pākehā), titiro ki The Five Pillars of Wikipedia, ki What Wikipedia is not hoki.
Nō reira, kia kaha, kia māia, kia manawanui!
Robin Patterson 22:22, 2 Paenga-whāwhā 2006 (UTC)
[edit] Nau mai, haere mai
Tēnā rā koe e te whanaunga o Waikato me Hauraki, kua timata mai nei ki whakapai i te Wikipedia Māori. He mihi atu tēnei i runga i ngā āhuatanga o te wā, i runga hoki i te mōhio e mihi tonu ana tōku nei maunga a Te Aroha ki ngā tini o Waikato, ki ngā whanaunga, ki te hunga i noho tahi mai i runga i tērā o ngā waka o ō tāua tūpuna, i a Tainui. He mihi hoki ki te Arikinui, ki a Te Atairangikaahu e noho rā i runga i te ahurewa tapu o ōna tūpuna, ki tōna hoa rangatira a Whatumoana hoki, i ēnei rā whakahirahira o te Kīngitanga. Nō reira e hoa, nau mai rā i runga i te tumanako, kia mahi tahi nei tātou ki te whakarangatira i tō tātou nei taonga, i te Wikipedia Māori. Nō reira, he mihi nāku, nā Kahuroa 05:28, 19 Haratua 2006 (UTC)
[edit] Tēnā koe
Kia ora mō ō kupu tautoko mai ki ahau e hoa, me te mihi hoki ki a koe i runga i ngā āhuatanga o te rā. Ko te tumanako, kia pai te haere o ō mahi ki konei. Kahuroa 10:32, 5 Pipiri 2006 (UTC)
[edit] Harikoa
Ka nui te harikoa o te ngākau, kua hoki mai anō koe. Kia ora mō ngā mahi e pā ana ki te Ghost in the Shell. Kahuroa 08:56, 11 Poutū-te-rangi 2007 (UTC)
[edit] Tūmanako
Nō te mea kua tae ngā tuhipānui ki te 600, ko te tūmanako kia tae mai ngā tāngata matatau ki te reo Māori o Aotearoa nei, mā tātou e whakapai te mātāpunenga nei i runga i ngā tikanga whakapai, kia tupu ake hei rākau whakaruruhau, hei Tōtara, hei Kauri rānei i te wao-nui-a-Tāne. Tēnā, whakaputaina ō whakaaro ki Wikipedia:Kōrero. Nō reira, tēnā tātou katoa Kahuroa 04:56, 13 Poutū-te-rangi 2007 (UTC)
