Ture tekau

Nō Wikipedia Māori

He wāhanga o te raupapa e pā ana ki te Whakapono Karaitiana

Tāhuhu kōrero mō te Whakapono Karaitiana Ihu Karaiti
Whakaakoranga Kauhau i te Maunga Ngā Manaakitanga Ngā ture tekau Aroha
Paipera Kawenata Tawhito Kawenata Hou
Whakapono Karaitiana Hāhi Tika o Ihu Whakaoranga Karaitiana

Ko ngā Ture Tekau, he rārangi whakahau; e ai ki te Paipera, nā te Atua aua ture i hōatu ki a Mohi i a ia e tū ana ki te tihi o te maunga o Hinai; he mea whakairo ki runga papa kōhatu. E rua aua papa. E pā ana aua whakahau ki ā te tangata mahi: ki ngā mahi o te whakapono, o te matatika hoki. He tino āhuatanga aua whakahau o te whakapono o ngā hūrai, o tō ngā karaitiana hoki. I tō te paipera reo hiperu, he עשרת הדברים (Aseret ha-Dvarîm) aua ture; ko te whakamāoritanga, he 'kupu'.

E ahu mai ana ngā Ture Tekau i te Ekoruhe 20:2-17, i te Tiuteronomi 5:6-21 hoki.

[edit] Te ture tuatahi

"Aua ētahi atua kē atu mou ki mua i ahau".

[edit] Te ture tuarua

"Kei hanga koe i te whakapakoko mou, i tētahi ritenga rānei o ngā mea o te rangi i runga, o te whenua rānei i raro, o te wai rānei i raro i te whenua:

Kei koropiko koe ki ēnā mea, kei mahi rānei ki ēnā mea; ko Ihowa hoki ahau, ko tou Atua, he Atua hae, e mea ana i ngā hara o ngā matua kia tau iho ki ngā tamariki a te toru, te whā rā anō o ngā whakatupuranga o te hunga e kino ana ki ahau;

E whakaputa aroha ana hoki ki ngā mano, ki te hunga e aroha ana ki ahau, e whakarite ana i aku ture".

[edit] Te ture tuatoru

Ngā ture kotahi tekau

"Kei whakahuatia noatia e koe te ingoa o Ihowa, o tou Atua; e kore hoki a Ihowa e mea, he harakore te tangata e whakahua noa ana i tōna ingoa".

[edit] Te ture tuawhā

"Kia mahara ki te rā hapati, kia whakatapua.

E ono ngā rā e mahi ai koe, e mea ai hoki i au mea katoa;

Tēnā ko te rā whitu, he hapati nō Ihowa, nō tou Atua: kaua e mahia tētahi mahi i reira e koe, e tau tama, e tau tamahine, e tau pononga tāne, e tau pononga wahine, e au kararehe hoki, me tou tangata kē i roto i ou tatau;

E ono hoki ngā rā i hanga ai e Ihowa te rangi, me te whenua, te moana, me ngā mea katoa i roto, a okioki ana i te rā whitu: nā reira i whakapaingia ai te rā hapati e Ihowa, a whakatapua ana".

[edit] Te ture tuarima

"Whakahonoretia tou papa me tou whaea; kia roa ai ou rā ki te whenua e homai nei e Ihowa, e tou Atua, ki a koe".

[edit] Te ture tuaono

"Kaua e patu".

[edit] Te ture tuawhitu

"Kaua e puremu".

[edit] Te ture tuawaru

"Kaua e tahae".

[edit] Te ture tuaiwa

Kaua e whakapae teka ki tou hoa.

[edit] Te tekau o ngā ture

"Kaua e hiahia ki te whare o tou hoa, kaua e hiahia ki te wahine a tou hoa, ki tana pononga tāne rānei, ki tana pononga wahine rānei, ki tana kau rānei, ki tana kaihe rānei, ki tētahi mea rānei a tou hoa".

I homai anō e ia ki a Mohi, i te mutunga o tana kōrero ki a ia i runga i Maunga Hinai, e rua ngā papa whakaaturanga, he papa kohatu, he mea tuhituhi nā te ringa o te Atua.

(Ekoruhe 20:1-17)