ഉണ്ണിയാര്‍ച്ച

വിക്കിപീഡിയ, ഒരു സ്വതന്ത്ര വിജ്ഞാനകോശം.

വടക്കന്‍ പാട്ടുകളിലെ ഒരു ധീര വനിതയാണ് ഉണ്ണിയാര്‍ച്ച. ഇന്നത്തെ വടകരപ്രദേശത്തെ, കടത്തനാട് നാട്ടുരാജ്യത്തെ പുത്തൂരം വീട് എന്ന ഈഴവ കുടുംബത്തില്‍ ജനിച്ച ഉണ്ണിയാര്‍ച്ച ചെറുപ്പത്തില്‍ തന്നെ കളരിമുറകളെല്ലാം വശത്താക്കി. ആരോമല്‍ ചേകവരുടെ ഇളയ സഹോദരിയാരിരുന്നു ഉണ്ണിയാര്‍ച്ച. ആര്‍ച്ചയെ വിവാഹം കഴിച്ചത് ഭീരുവായ ആറ്റുമണമേല്‍ കുഞ്ഞിരാമനായിരുന്നു. ഒരിക്കല്‍ അല്ലിമലര്‍കാവില്‍ കൂത്തുകാണാന്‍ പോയിരുന്ന ഉണ്ണിയാര്‍ച്ചയെ നാഗപുരത്തെ ജോനകര്‍ അപഹരിക്കാന്‍ ശ്രമിച്ചു. അവരെ ആ ധീരവനിത പൊരുതിതോല്‍പ്പിച്ചുവെന്നാണ് വടക്കന്‍പാട്ടുകളിലെ കഥ. സഹോദരനായ ആരോമല്‍ ചേകവരെ ചതിച്ചു കൊന്ന ചന്തുവിനോടു പക വീട്ടിയത് ഉണ്ണിയാര്‍ച്ചയുടെ പുത്രനായ ആരോമലുണ്ണിയാണ്.

പാട്ടിന്റെ ഒരു ഭാഗം

“പെണ്ണായ ഞാനും വിറക്കുന്നില്ല
 ആണായ നിങള്‍ വിറക്കുന്നെന്തെ?
 ആയിരം വന്നാലും കാര്യമില്ല
 പുത്തൂരം വീട്ടിലെ പെണ്ണുങളും
 ആണുങ്ങളെ കൊല്ലിച്ച കേട്ടിട്ടുണ്ടോ? “