പുനലൂര്
വിക്കിപീഡിയ, ഒരു സ്വതന്ത്ര വിജ്ഞാനകോശം.
| പുനലൂര് | |
  പുനലൂര്
|
|
| വിക്കിമാപ്പിയ -- 9.0° N 76.93° E | |
| ഭൂമിശാസ്ത്ര പ്രാധാന്യം | പട്ടണം |
| രാജ്യം | ഇന്ത്യ |
| സംസ്ഥാനം | കേരളം |
| ജില്ല | കൊല്ലം |
| ഭരണസ്ഥാപനങ്ങള്‍ | |
| ' | |
| വിസ്തീര്‍ണ്ണം | ചതുരശ്ര കിലോമീറ്റര്‍ |
| ജനസംഖ്യ | 47,226 |
| ജനസാന്ദ്രത | /ച.കി.മീ |
| കോഡുകള്‍ • തപാല്‍ • ടെലിഫോണ്‍ |
++91 0475 |
| സമയമേഖല | UTC +5:30 |
| പ്രധാന ആകര്‍ഷണങ്ങള്‍ | പുനലൂര് തൂക്കുപാലം |
കേരളത്തിലെ കൊല്ലം ജില്ലയിലെ ഒരു പട്ടണവും ആണ് പുനലൂര്. കൊല്ലം ജില്ലയില്‍ നിന്നും 45 കിലോമീറ്റര്‍ വടക്കുകിഴക്കും തിരുവനന്തപുരം ജില്ലയില്‍ നിന്നും 75 കിലോമീറ്റര്‍ വടക്കും ആണ് പുനലൂര്. അക്ഷാംശം 76.92 ഡിഗ്രീ കിഴക്കും 9 ഡിഗ്രീ വടക്കും ആണ് പുനലൂര്. കടല്‍നിരപ്പില്‍ നിന്ന് 34 മീറ്റര്‍ ഉയരത്തില്‍ ആണ് പുനലൂര് സ്ഥിതിചെയ്യുന്നത്. പട്ടണത്തിലെ പ്രധാന സന്ദര്‍ശന സ്ഥലങ്ങള്‍ പുനലൂര് പേപ്പര്‍ മില്‍‍സ് (1888ല്‍ ഒരു ബ്രിട്ടീഷുകാരന്‍ സ്ഥാപിച്ചത്, ഇന്ന് ഡാല്‍മിയ ഗ്രൂപ്പിന്റെ നിയന്ത്രണത്തില്‍), കല്ലടയാറിനു കുറുകെ ഉള്ള പുനലൂര് തൂക്കുപാലം എന്നിവയാണ്. പുനലൂര് ഇന്ന് മുനിസിപ്പല്‍ ഭരണത്തിന്‍ കീഴിലാണ്.
ഉള്ളടക്കം |
[തിരുത്തുക] ചരിത്രം
[തിരുത്തുക] നിരുക്തം
പുനലൂര് എന്ന പേര് വന്നത് പുനല്‍ , ഊര് എന്നീ തമിഴ് വാക്കുകളില്‍ നിന്നാണ്. പുനല്‍ എന്നാല്‍ വെള്ളം എന്നും ഊര് എന്നാല്‍ സ്ഥലം എന്നും അര്‍ത്ഥം. അതിനാല്‍ പുനലൂര് എന്നാല്‍ വെള്ളം ഉള്ള സ്ഥലം എന്നര്‍ത്ഥം . കല്ലടയാറ് ഉള്ളതിനാലാകണം ഈ പേര് ലഭിച്ചത്.
[തിരുത്തുക] ഭൂമിശാസ്ത്രം
അക്ഷാംശം 76.92 ഡിഗ്രീ കിഴക്കും 9 ഡിഗ്രീ വടക്കും ആണ് പുനലൂര്. വിക്കിമാപ്പിയ -- 9.0° N 76.93° E[1]. സമുദ്രനിരപ്പില്‍ നിന്ന് 56 മീറ്റര്‍ (183 അടി) ആണ് പുനലൂരിന്റെ ശരാശരി ഉയരം.
[തിരുത്തുക] പുനലൂര് തൂക്കുപാലം
പുനലൂരിലെ തൂക്കുപാലം ഇത്തരത്തിലെ തെക്കേ ഇന്ത്യയിലെ ഒരേയൊരു തൂക്കുപാലം ആണ്. ആല്‍ബര്‍ട്ട് ഹെന്റി എന്ന ബ്രിട്ടീഷ് എഞ്ജിനിയര്‍ 1877-ല്‍ കല്ലടയാറിനു കുറുകേ നിര്‍മ്മിച്ച ഈ തൂക്കുപാലം 3 തൂണുകള്‍ കൊണ്ട് താങ്ങിയിരിക്കുന്നു. വാഹനഗതാഗതത്തിന് മുന്‍പ് ഈ തൂക്കുപാലം ഉപയോഗിച്ചിരുന്നു എങ്കിലും ഇന്ന് ഇത് ഒരു സ്മാരകം ആയി നിലനിര്‍ത്തിയിരിക്കുന്നു. (ഇന്ന് ഈ പാലത്ത്തിലൂടെ വാഹനഗതാഗതം ഇല്ല). പാലത്തിന്റെ നിര്‍മ്മാണം 6 വര്‍ഷം കൊണ്ടാണ് പൂര്‍ത്തിയായത്.
പത്തനാപുരം താലൂക്കിന്റെ ആസ്ഥാനം ആണ് പുനലൂര്.
ഏറ്റവും അടുത്തുള്ള വിമാനത്താവളം തിരുവനന്തപുരം അന്താരാഷ്ട്ര വിമാനത്താവളം ആണ്. കൊല്ലം-ചെങ്കോട്ട റെയില്‍‌വേ പാതയില്‍ ആണ് പുനലൂര് റെയില്‍‌വേ സ്റ്റേഷന്‍.
പുനലൂരിന് അടുത്തുള്ള ചില പ്രധാന സ്ഥലങ്ങള്‍ കൊട്ടാരക്കര, അഞ്ചല്‍, കുളത്തൂപ്പുഴ, അമ്പലംകുന്ന് എന്നിവയാണ്.
പുനലൂരിന് അടുത്തുള്ള പ്രശസ്ത വിനോദസഞ്ചാര സ്ഥലങ്ങള്‍ ആണ് തെന്മല, പാലരുവി വെള്ളച്ചാട്ടം (35 കിലോമീറ്റര്‍ അകലെ) എന്നിവ. തെന്മല പരിസ്ഥിതി-വിനോദസഞ്ചാര കേന്ദ്ന്രം 21 കിലോമീറ്റര്‍ അകലെയാണ്. അഗസ്ത്യമല വന്യജീവി സംരക്ഷണകേന്ദ്രത്തിന് പടിഞ്ഞാറേ അറ്റത്തായി ആണ് പുനലൂര് സ്ഥിതിചെയ്യുന്നത്.
പുനലൂരിലെ പ്രധാന കാര്‍ഷിക-നാണ്യവിഭവങ്ങള്‍ റബ്ബര്‍, കുരുമുളക്, മറ്റ് സുഗന്ധവ്യഞ്ജനങ്ങള്‍ എന്നിവയാണ്. ഇവിടെ നിന്നും പ്രധാനമായി മലഞ്ചരക്കുകള്‍, കൈതച്ചക്ക, കുരുമുളക്, പ്ലൈവുഡ്, തടി തുടങ്ങിയവ മറ്റു സ്ഥലങ്ങളിലേക്ക് കയറ്റി അയക്കുന്നു.
[തിരുത്തുക] ജനസാന്ദ്രത
2001-ലെ ഇന്ത്യന്‍ കാനേഷുമാരി അനുസരിച്ച് പുനലൂരിന്റെ ജനസംഖ്യ 47,226 ആണ്. ഇതില്‍ 49% പുരുഷന്മാരും 51% സ്ത്രീകളും ആണ്. പുനലൂരിന്റെ സാക്ഷരതാനിരക്ക് 84% ആണ്. (ദേശീയ സാക്ഷരതാനിരക്ക്: 84%). പുരുഷന്മാരില്‍ സാക്ഷരതാനിരക്ക് 85%-ഉം സ്ത്രീകളില്‍ 82%-ഉം ആണ്. ജനസംഖ്യയിലെ 10% 6 വയസ്സില്‍ താഴെയുള്ള കുട്ടികള്‍ ആണ്.
[തിരുത്തുക] അവലംബം
 |
കേരളത്തിലെ സ്ഥലങ്ങളുമായി ബന്ധപ്പെട്ടുള്ള ഈ ലേഖനം അപൂര്‍ണ്ണമാണ്‌. ഇതു പൂര്‍ത്തിയാക്കാന്‍ സഹായിക്കുക. |
