രാമപുരം, കോട്ടയം
വിക്കിപീഡിയ, ഒരു സ്വതന്ത്ര വിജ്ഞാനകോശം.
| രാമപുരം എന്ന വാക്കാല്‍ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാന്‍ രാമപുരം (നാനാര്‍ത്ഥങ്ങള്‍) എന്ന താള്‍ കാണുക. |  |
കേരളത്തിലെ കോട്ടയം ജില്ലയിലെ ഒരു ചെറിയ പട്ടണമാണ് രാമപുരം. രാമപുരത്ത് പുരാതനമായ രണ്ട് ക്രിസ്ത്യന്‍ പള്ളികളുണ്ട്. അടുത്തകാലത്തായി ഈ പള്ളികള്‍ പൊളിക്കണം എന്ന് ഒരു വിവാദമുണ്ടായിരുന്നു. [1]
സെന്റ് അഗസ്റ്റിന്റെ പേരിലുള്ള ഒരു ചെറിയ പള്ളിയും പരിശുദ്ധ മാതാവിന്റെ ഒരു വലിയ പള്ളിയുമാണ് രാമപുരത്തെ ഇരട്ട പള്ളികള്‍. സെന്റ് അഗസ്റ്റിന്റെ പള്ളി 1450-ല്‍ നിര്‍മ്മിച്ചതാണെങ്കില്‍ പരിശുദ്ധമറിയത്തിന്റെ പള്ളി 1864-ല്‍ നിര്‍മ്മിച്ചതാണ്. അഞ്ചു നൂറ്റാണ്ടിന്റെ സുറിയാനി ക്രിസ്ത്യാനി പാരമ്പര്യമുണ്ട് രാമപുരത്തിന്. ആര്‍ച്ച് ബിഷപ്പായിരുന്ന അലെക്സിസ് ഡി മെനെസിസ് വിശുദ്ധ മറിയത്തിന്റെ പേരിലുള്ള ചെറിയ പള്ളി സെന്റ് അഗസ്റ്റിനായി സമര്‍പ്പിക്കുകയായിരുന്നു. ഇവിടെ നിന്നാണ് കൊടുങ്ങല്ലൂരിന്റെ ഗവര്‍ണ്ണര്‍ ആയിരുന്ന പാറെമ്മാക്കല്‍ തോമാ കത്തനാര്‍ സുറിയാനി ക്രിസ്ത്യാനി സമൂഹത്തെ ഭരിച്ചത്. അദ്ദേഹത്തിന്റെ ഭൌതീകാവശിഷ്ടങ്ങള്‍ ഈ പള്ളി പരിസരത്താണ് അടക്കിയിരിക്കുന്നത്. വിശുദ്ധ തേവരക്കല്‍ കുഞ്ഞച്ചന്റെ ഭൌതീകാവശിഷ്ടങ്ങള്‍ അടക്കിയിരിക്കുന്നതും ഇവിടെത്തന്നെ. തേവര അച്ചന്റെ കുരിശടി സന്ദര്‍ശിക്കുവാന്‍ ധാരാളം വിശ്വാസികള്‍ എല്ലാ വര്‍ഷവും ഇവിടെ എത്തുന്നു.
പള്ളി കെട്ടിടങ്ങള്‍ ആദ്യകാല വിദേശാധിപത്യത്തില്‍ വ്യാപകമായിരുന്ന ഒരു പ്രത്യേക വാസ്തുവിദ്യാ ശൈലിയിലാണ് തീര്‍ത്തിരിക്കുന്നത്. പോര്‍ച്ചുഗീസ് (പറങ്കി) വാസ്തുവിദ്യാ ശൈലിയുടെ മുകളില്‍ പേര്‍ഷ്യന്‍ വാസ്തുവിദ്യാ ശൈലിയുടെ സ്വാധീനം പ്രകടമായി കാണാം. ഈ പള്ളികളിലെ റോമന്‍ തൂണുകളും വരാന്തയും പ്രൌഢമായ ഗതകാലത്തിന്റെ ശേഷിപ്പുകളാണ്.
[തിരുത്തുക] അനുബന്ധം
 |
കേരളത്തിലെ സ്ഥലങ്ങളുമായി ബന്ധപ്പെട്ടുള്ള ഈ ലേഖനം അപൂര്‍ണ്ണമാണ്‌. ഇതു പൂര്‍ത്തിയാക്കാന്‍ സഹായിക്കുക. |
