Fenek tax-xmara
Minn Wikipedija, l-enċiklopedija ħielsa.
 |
||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 Tpinġijja ta' Fenek tax-xmara Bunolagus monticularis
|
||||||||||||||||||||
| Scientific classification | ||||||||||||||||||||
|
||||||||||||||||||||
|
|
||||||||||||||||||||
| Bunolagus monticularis Thomas, 1903 |
Il-Fenek tax-xmara Bunolagus monticularis, huwa mammiferu plaċentat erbivoru ta' abitudni notturna tal-familja Leporidae fl-ordni Lagomorpha. Dan il-fenek huwa wieħed mill-aktar mammiferi rari fid-dinja, li jgħix f'arja ristretta ħafna u jinsab biss fiċ-ċentru u fir-reġjuni ta' nofs in-nhar tad-deżert ta' Karoo ta' l-Afrika t'isfel fil-Provinċja ta' Kap. Il-Fenek tax-xmara huwa fenek monotipiku, l-unika speċi fil-ġeneru Bunolagus.
Normalment il-Fenek tax-xmara jkollu strixxa sewda mir-rokna tal-ħalq għal fuq il-warda tal-wiċċ fuq kull naħa. Il-pil lewn il-krema minn taħt l-għonq għal taħt iż-żaqq li jiskura huwa u tiela' mad-dahar, denb sufi fil-kannella ċar bit-tarf ħarira fl-iswed u par saqajn wiesgħajn fuq wara f'forma ta' mazza.
L-evidenza turi li d-daqs tal-popolazjoni qiegħed dejjem jonqos. Mill-aħħar stimi ħareġ li dawn l-aħħar 70 sena il-popolazjoni globali naqset saħansitra b'60%. Illum il-ġurnata il-popolazjoni qegħda maqsuma u mifruda f'sottopopolazjonijiet żgħar li l-ebda waħda ma għandha aktar minn 50 fenek adult fiha. Dan il-Fenek tax-xmara jħobb ambjent magħmul minn ħaxix għoli li jikber fuq il-ħamrijja tal-pjanuri tal-għargħar fejn jiffurmaw xmajjar staġunali, li sfortunatament 80% minn dan l-abitat ġie kkultivat jew immodifikat mill-bniedem.
Werrej |
[editja] Distribuzjoni
Dan il-Fenek huwa speċi endemika ta' l-Afrika t'isfel. Illum il-ġurnata l-Fenek tax-xmara jinsab jgħix fi ftit postijiet biss fid-Desert ta' Karoo u l-ebda wieħed minn dawn il-postijiet ma huwa arja protetta. Fraserburg, Sutherland u Victoria West kollha għandhom popolazjoni żgħira.
[editja] Klassifikazjoni
- Ordni Lagomorpha
- Familja Leporidae
- Ġeneru Bunolagus
- Fenek tax-xmara, Bunolagus monticularis
- Ġeneru Bunolagus
- Familja Leporidae
[editja] References
- Lagomorph Specialist Group (1996). Bunolagus monticularis Fil-Periklu kritiku ta' estinzjoni. 2006 IUCN Red List of Threatened Species. IUCN 2006. Informazjoni mniżla fid- 9 ta' Novembru 2006.
[editja] Links Esterni
- ARKive - images and movies of the riverine rabbit (Bunolagus monticularis)
- additional images available at riverinerabbit.co.za
