Ierlaand (laand)

Van Wikipedie

Éire
Ireland

Basisgegevens

Officiële laanstael: Iers, Engels

Heufdstad: Dublin

Regeringsvorm: Rippebliek

Religie: Rooms-katteliek 91.6%

Oppervlakte: 70.273 km² (2%waeter)

Inwoners: 3,9 miljoen (56 / km²)

Overige

Volkslied: Amhrán na bhFiann

Muntienhied: euro (EUR)

UTC: +0

Nationaole feestdag: 17 meert (St. Patrick's Day)

Web | Kode | Til. .ie | IRL | 353

Ierlaand (Éire in et Iers en Ireland in et Ingels) is een Europees laand dat omdebi'j 5/6 van et eilaand Ierland beslat.

Om et laand van et eilaand te onderscheiden wodt et vaeke anduud as de Republiek Ierlaand (Poblacht na hÉireann in et Iers en Republic of Ireland in et Engels). Disse anduding het sund 1949 de staotus van officiële beschrieving van et laand. De officiële naeme is, sund 1937, kotweg Ierlaand.

Ierlaand is sund 1973 lid van de Europese Unie, mar is gien lid van de NAVO.

[bewark] Bestuurlike indieling

Historisch was Ierlaand verdield in 4 perveensies (Ulster, Munster, Leinster, Connacht). Noord-Ierlaand is now een diel van de perveensie Ulster. Disse perveensies hebben gien betekenis veur et bestuur. De historische graefschoppen (counties) hebben nog wel een betekenis. Et oorspronkelike graefschop Dublin is tegenswoordig onderverdield in vier appatte graefschoppen.

Ierlaand is tredisioneel verdield in vier perveensies die tegere 32 graefschoppen (counties) vormen. De perveensies hebben gien bestuurlike rol. De 26 graefschoppen die in de rippebliek liggen hebben een eigen bestuur. Daorbi'j bin Dublin en Tipperary onderverdield in drie respektievelik twie bestuurlike graefschoppen.

De steden Dublin, Cork, Limerick, Galway en Waterford hebben een eigen bestuur, los van et bestuur van et graefschop waorin de steden liggen. Aandere plakken hebben allienig op een antal onderwarpen een eigen bestuur.

[bewark] Demografie

Tussen 1850 en 1950 daelde de Ierse bevolking van zeuven miljoen tot minder as drie miljoen. Intussen bin der weer bi'jkaans vier miljoen Ieren ^[1].

[bewark] Geografie

[bewark] Algemiene gegevens

Lengte greenzen: 360 km (met het Verenigd Koninkrijk)
Langste revier: Shannon
Hoogste punt: Carrantuohill, 1050 m
Muntienhied veur 2002: Ierse pond of punt (EIP). Nao 2002: euro.
Sund 2005 wodt in de rippebliek snelheden in kilemeters per ure angeven, naodat et al jaoren kilemeters bruukt om ofstaanden an te geven. De hoogte van bargen daorintegen, wodt vaeke in voet daon.