Spanje

Van Wikipedie

Reino de España

Baosisgegevens

Officiële laanstaal: Spaans^[1]

Heufstad: Medrid

Regeringsvorm: Konstitusionele monarchie

Religie: Rooms-katteliek

Oppervlakte: 504.782 km² (1.04%waoter)

Inwoeners: 44.108.530 (87,41 / km²)

Overige

Volkslied: Marcha Real

Munteenheid: euro (EUR)

UTC: +1

Nasionale feesdag: 12 oktober

Web | Code | Til. .es | ESP | 34

Spanje is een laand in Zuud-Europa, en is lid van de Europese Unie. De eufstad is Medrid. Spanje ef meer äs 44 miljoen inwoners. Spanje is liekäs Nederlaand een konstitusionele monarchie en is 506.013 km² groot (zwät 13 keer zo groot äs Nederlaand). 't Land beslaot grofweg 80% van 't Iberisch schiereilaand. Butendät heuren ok de eilanengroep Balearen in de Middellaanse Zee, de Kenarische Eilanen in de Atlantische Oceaan en de Spaanse exclaves in Noord-Afrika bie 't laand.

In 't noordoosten grèènst Spanje an Frankriek en Andorra, over de iele lengte van de Pyreneeën, in 't westen an Portugal en in 't zuden an de Britse kelonie Gibraltar. De eufstad van Spanje is Medrid, een stad mit meer äs 3 miljoen inwoners en lig in 't midden van 't laand.

Spanje is een divers laand mit iezig uutmekäärlopende culturen, tälen, eetgewoontes en klimaoten. 't Laand varieert van de règenachtige vissersdarpen in Galicië tot 't nachlèven van Medrid, de toeristische kusten an de Middellaanse Zee, 't flemencodänsen en bollenvechen van Andalusië en 't mederne Barcelona in Kattelonië.

De Spaanse grondwet stamt uut 1978. Juan Carlos I is noe de Spaanse koning. De hudige premier is José Luis Rodríguez Zapatero. Spanje wönnen lid van de NAVO in 1981 en is lid van de Europese Unie sinds 1986. De euro wönnen de Spaanse muntienheid op 1 jannewaori 1999, en verving daormit de peseta.

[bewark] Naam

Spanje dankt zien naam an 't knien. Oorspronkelijk was 't knien in zien verspreiding beparkt tot Zuudwest-Europa. De Feniciërs gaffen dit gebied daorumme de naam Isjephanim, knienenkust, waorvan Spanje of-eleid is.

[bewark] Bestuurlijke indeling

Spanje is onderverdield in 17 autonome gemienschappen (Spaans: comunidades autónomas), 50 pervinsies en twee autonome steden.

Alle pervinsies bint weer onderverdield in comarcas en die bint weer onderverdield in gemientes. Comarcas hebt allinnig niet in elke gemeenschap dezelfde formele staotus.