Zwilbrook
Van Wikipedie
t Zwilbrook (Nederlaands: Zwilbroek, Duuts: Zwillbrock) is n klean doarp op de greanze tusken de Nederlaandse gemeante Berkellaand in Gelderlaand en de Duutse gemeente Vreedn in t distrikt Borken in de deelstaat Noordrien-Westfoaln. t Lig eankelde kilometers oaver de Nederlaands-Pruuske greans ten oostn van Grolle.
t Zwilbrook is bekeand vanweage t Zwillbrocker Venn en de parochiekearke Sankt Franziskus. Disse kearke wördn bouwd met t geald van katteliekn oet Tweante en de Achterhook. De katteliekn in t oostn van Nederlaand mochn an t eand van de 17e eeuw eer geloof nich langer beliedn. Doarop leut de bisschop van Meunster de Fransiskaann oet Boogholt in 1651 de kerstmisse leazn in t Zwilbrook, wat oeteindelik leed töt t ontstoan van ne parochie vuur de bedroagde kattelieken in Oost-Nederlaand en de bouw van ne keark vuur disse parochie met angreanznd klooster vuur de Fransiskaann. De hudige Sankt Franziskus-kearke is een van de weinige barokke kearkn in t Meunsterlaand dee is blievn stoan in n Tweedn Weerldoorlog.
