Douard VIII du Rouoyaume Unni
From Wikipedia
|
Ch't' articl'ye fut c'menchie en Jèrriais
 |
Douard VIII (Edward Albert Christian George Andrew Patrick David Windsor) (23 d'Juîn 1894 - 28 d'Mai 1972) 'tait l'rouai du Rouoyaume Unni et d's aut's rouoyaumes du Commonwealth, empéreu d'Înde, et Duc dé Nouormandie (dans l's Îles).
Il avînt au trône lé 20 d'Janvyi 1936 quand san péthe, George V mouothit. I' n'fut janmais couronné. Quand l'Églyise d'Angliétèrre et l'gouvèrnément Britannique lî'explyitchîtent qu'san mathiage proposé auve la Wallis Simpson, eune Améthitchaine deux fais dêmathiée, n'es'sait pon acceptabl'ye au publyi, l'Rouai aimit mus abditchi. I' sinnit s'n Înstrument d'Abdicâtion à Windsor l'10 d'Dézembre 1936. Lé parlément Britannique votit la louai pouor haler l'trône dé li lé 11 dé Dézembre et les parléments d's aut's rouoyaumes en fîtent dé même, excepté en Irlande où'est qu'l'abdicâtion fut atchilyie raîque lé 12 dé Dézembre.
L'ex-Rouai s'mathyit auve la Missis Simpson à Paris et r'chut l'titre dé Duc dé Windsor.
Quand il abditchit en 1936, san fréthe, lé Duc dé York héthitchit l'trône.
