Tchian du Bouôlay
From Wikipedia
|
Ch't' articl'ye fut c'menchie en Jèrriais
 |
Lé Tchian du Bouôlay est un dêmon înmaginnaithe dé Jèrri.
Les gens soulaient craithe qu'i' y'avait un grand nièr tchian, auve l's ièrs dé fliambe grands coumme des souôtâsses, tchi rôdait les c'mîns dans l'vaîthinné du Bouôlay à La Trinneté en Jèrri et mangeait les gens qu'i' rencontrait.
Mais d'aut's gens dîsaient qué ch'tait pustôt eune histouaithe înventée par les fraudeurs tchi transportaient lé p'tun et lé couongnac la niet dans lus batchieaux entre Jèrri et la France et l'Angliétèrre. I' voulaient l'faithe en s'gret pa'ce qu'i' n'voulaient pon payi l's împots, et don il' înventîtent l'histouaithe du tchian êpouvantabl'ye à seule fîn qu'les gens né vînssent vaie chein tch'i' faîsaient.
