 |
Test an lenga piemontèisa
|
|
A son doèrte le votassion!
A son doèrte le votassion për serne ij Deuit ufissiaj dla comun-a. Për piasì passé a voté e dësmentieve nen dë firmé quand che i vòte. Mersì.
Wikipedia d'antëresse local e Wikipedia generalista Ëvnì ambelessì për pijé part a la discussion. Ëdcò costa a l'é na cita pera miliar. La comun-a ëd pms.wiki as buta a discute ëd chila midema. A marca bin. Se i tiroma anans parèj motobin prest i saroma an condission dë podej fé dj'elession e desse na strutura ch'as goèrna daspërchila nen mach a truch e branca, ma ëdcò an sens formal. Donca compliment a tuti!
Criteri për nòm, topònim e parlà locaj
La discussion as fa ambelessì. Tuti a l'han vos an capìtol a tuti a peulo smon-e dle solussion, che almanch i rivoma a elaboré na prima polìtica formal nà da 'nt la comun-a.
|
Pàgine giàune
|
|
Mobilitassion general!
Tiroma andrinta dla gent, pì che as peul! A-i n'anfà nen ëd chi che a son, se peuj a-i rivèissa mai che a-i fussa dla gent che a va nen bin i la barerìo fòra, ma rendomse cont che sensa gent ël travaj daspërchiel as fa nen, e ambelessì ëd travaj a-i në j'é da butesse le man ant ij cavej...
|
Motobin mersì a Giani Sorìa!
Sò disségn dël Giandoja i lo s-ciairoma an tuti j'articoj dla wikipedia piemontèisa, che a ciama la gent a travajé. Pr'esempi ambelessì. I speroma dë vëdde ij travaj ëd Giani (e nen mach ij sò) spantià daspërtut për costa wikipedia, e dë vëdde ij dissegnator piemontèis parte a conquisté 'l mond ëdcò da 'nt le nòstre pàgine.
|
Neuv Testament
A-i é n' idèja motobin anteressanta dë publiché n'edission revisionà dël Neuv Testament an piemontèis. Ma a-i é da manca ëd gent che a daga na man.
|
|
Chi ch'i soma e vàire che i l'oma già fait
Ambelessì iv treuve la lista dj'utent che a son già registrasse. Coma che i peule s-ciairé viroland për le pàgine personaj, i soma già na comun-a ëd cosmopolita che a ambrassa vàire nassion e continent, coma a l'é normal ant la Ragnà. Ën essend partì al 27 ëd Mars dël 2006, i l'oma già andrinta 6.181 artìcoj. Visadì che, coma an dirìa qualsëssìa mari piemontèisa, i l'oma pen-a fait nòstr doèr.
|
Documentassion dël process decisional
Fé na wikipedia, prima ancò che travajé, a veul dì pijé n'ansema ëd mila cite decision, cheidun-a técnica e cheidun-a polìtica, ant ël sens che a-j da forma a le nòstre relassion con j'utent. Ël process ëd pijé ste decision a resta documentà andrinta a l'edission pùblica dla wiki, an manera che gnun a l'abia dij dùbit e che tùit a peulo dì la soa. Le decision mideme as pijo ën parland-ne ambelessì, e votand a magioransa, quand che a-i fusso dle ròbe andoa che i soma nen tùit d'acòrdi. Costi-sì a son ij Setor ëd discussion doèrt. Geneve pa a dì la vòstra! Tut lòn che as dis sùbit an salva na barca ëd travaj da fé peuj, për modifiché lòn che a l'é fasse ma a va nen bin.
|
Articoj che a sërco n'autor
Për adess le biografìe. Cole che i veule, faite a tre session, conforma al model ëd cola 'd Gustav Colonèt, già publicà. Për troveve la lista dj'euvre a venta pa esse dij rat ëd biblioteca, a basta mach deurbe sta pàgina-sì e sërché ij travaj ëd l'autor. Stoma pa lì a copié la catalogassion, che tant a l'é pa an stàndard ISBN e donca gnun as në fa gnente.
|
|
