Gottfried Leibniz
Frae Wikipedia
Gottfried Wilhelm Leibniz, cried Leibnitz or von Leibniz as weel (1 Julie (21 Juin Auld Style) 1646 – 14 November 1716) wis a German scientist that wrate maistly in French an Laitin.
He wis educate in law an philosophy. He wrocht as factotum tae twa muckle German noble hooses (ane becomin the British ryal faimlie at the time he wis wirkin for it). Leibniz haed a muckle role in the European politics an diplomacy o his day. He haes juist as lairge a place baith in the history o philosophy an in the history o mathematics. He inventit calculus at the same time as Newton, an his notation is the ane in general uiss syne. He inventit the binary seestem forby, the foonds o juist aboot aw modren computers.
In philosophy, he is best mynt for optimism. His thocht wis that oor universe is, in ae sense, the best possible that God coud hae made. He wis ane o the great 17th century rationalists. Mony fowk sees René Descartes an Baruch Spinoza as the ither twa. His philosophy leuks back on the Scholastic tradeetion an leuks forrit on modren logic an analysis.
Leibniz made unco contributions tae pheesics an technology forby, an anteecipatit concepts that surfaced lang efter in biology, medicine, geology, probability theory, psychology, an information science. He wrate on politics, law, ethics, theology, history, an philology, an aw. Whiles he e'en wrate in verse. His contreebutions tae this muckle array o subjects is scattered in jurnals, in tens o thoosands o letters, an in unpublished manuscripts. As o 2006, there isna ony complete edeetion o Leibniz's writins, sae a full accoont o his accomplishments isna yet possible.
This airticle's a stub. Ye can gie Wikipædia a haund bi eikin til it.
