Nether-Saxon
Frae Wikipedia
Nether-Saxon (Laich German) For ordinar cryed Nedersaksisch, Nedderdüütsch or Plattdüütsch by them that speaks it, is a name for the regional langage varieties o the Laich Germanic langages that's tae the maist pairt spak in the north o Germany, the sooth o Denmark an the east Netherlands. Forby thon there's some speakers in the coastal areas o Poland, an immigrant communities in a wheen airts athort the warld, sic as Canadae.
Whiles, Laich German is uised for tae refer tae ony German dialect that differs frae the staundart German langage, but this isna lingueestic uiss. It tends tae lead tae raivelment whan discussin the German langage: in sicna uiss mony dialects cried 'Laich German' is richtly Heich German dialects.
The ISO 639-2 langage code for Nether-Saxon is nds syne Mey 2000.
Table o contents |
[edit] Offeecial status
Syne 1999, Nether-Saxon haes been recogneesed by Germany as a regional langage gaun by the European Chairter for Regional or Minority Langages.
[edit] Dialects
- Wast Nether-Saxon
- North Nether-Saxon
- Wastphalian Nether-Saxon
- Eastphalian Nether-Saxon
- East Nether-Saxon
- Mecklenburgisch-Pommersch
- Brandenburgisch
- East Pomeranian
- Laich Prussian
- Plautdietsch
In Germany, North Nether-Saxon sers as a common intelligible langage on TV an Wireless programmes.
[edit] Classification an sib tongues
Nether-Saxon is pairt o the Wast Germanic dialect continuum.
Tae the Wast, it gaes ower intae the Laich Franconian langages that disteenguishes twa plural verbal endins, as agin the ae common verbal plural endin in Nether-Saxon.
Tae the Sooth, it gaes ower intae the Heich Germanic dialects o Middle German that's been affectit by the Heich German consonant shift. The diveesion is for ordinar merkit at the Benrath line that traces the maken – machen isogloss.
Tae the East, it is neeboured by the Polish langage.
Tae the North an Northwast, it is neeboured by Dens an by Frisian. Merk that in Germany, Nether-Saxon haes replaced the Frisian in mony airts sae that the Saterland Frisian is hailie surroondit by Nether-Saxon.
Some clessifee the northren dialects o Nether-Saxon thegither wi Scots, English an Frisian as the North Sea Germanic or Ingvaeonic langages. Houaniver, maist excludes Nether-Saxon frae that group aften cried Anglo-Frisian langages.
[edit] History
Auld Saxon wis the forebeir o Nether-Saxon recorded frae aboot 800 tae 1100.
Middle Nether-Saxon wis the forebeir o Nether-Saxon recorded frae aboot 1100 tae 1500. It wis the lingua franca o the Hanseatic League, spak aw aboot the German Ocean an the Baltic Sea.
LINKS:
