Scots Socialist Pairty
Frae Wikipedia
| Scots Socialist Pairty | |
|---|---|
 |
|
| Leader | Colin Fox CSP |
| Foondit | 1998 |
| Heidquarters | 70 Stanley Street Glasgow, G41 1JB Scotland |
| Poleetical Ideology | Scots unthirldom, socialism |
| Poleetical Poseetion | Radical left |
| Internaitional Affiliation | nane |
| European Affiliation | European Anti-Capitalist Left |
| European Pairliament Group | nane |
| Colours | reid, yellae |
| Wabsteid | http://www.scottishsocialistparty.org |
| See also | politics o the UK poleetical pairties |
The Scots Socialist Pairty (SSP) is a faur-left poleitical pairty in Scotland. It staunds for socialist economics an Scots unthirldom. It haes fower CSPs in the Scots Pairlament.
Table o contents |
[edit] Historie
The SSP wis estaiblisht in 1998. It growed fae the foregaun Scottish Socialist Alliance, a union o the umwhile Scots Meelitant Labour an ither groups o the faur-left, sic as the Communist Pairty o Scotland an the Scots Republican Socialist Pairty. In 1999, it haes juist the ae CSP in the Scots Pairliament.
Efter that, the pairty growed stranger wi the Socialist Workers Party (that's nou awa) an the Scots pairt o the National Unions of Maritime and Transport Workers affiliatin tae the pairty. In at the Halyruid elections in 2003, sax SSP CSPs wis waled frae the regional leets. Twa o them haes syne left the pairty.
[edit] Poleetical Wark
The pairty haes duin wark in mony campaigns throu the Scots Pairlament, sic as tae git rid o rowps for them that canna pey thair dets; proponin tae git rid o chairges for lines frae the doctor an ettlin tae gie aw schuilweans guid fare for thair denner athoot haein tae pey for it .
The SSP haes duin muckle wark ootdy the pairlament an aw. Wirkin wi ithers, its campaignt agin the wappens at Faslane; its campaignt agin PFI pactions for schuils an infirmaries, an gien a haund tae the warkers that keeps wee weans, warkers that pits oot fires, an warkers for the cooncil whan they ettle tae fend for thair pey an condeetions
The pairty wrate the Declaration o Calton Hill and haes been threapin agin the War in Iraq
[edit] Pletforms
A wheen o thir groups haes hauden thair identities athin the pairty, comin thegither as pletforms; sae the Socialist Warkers Pairtie haes become the Socialist Warkers pletform, an the Scots Republican Socialist Pairty, the Scots Republican Socialist Muvement. Ither pletforms athin the SSP includes the Republican Communist Netwark, the Warkers' Unitie pletform. It uisst tae hae anither pletform cried the International Socialist Movement that wis pairt o the Comatee for a Warkers Internaitional but that's no thegither ony mair. Some o the members bade wi the Comatee for a Warkers Internaitional while ithers frae the Internaitional Socialists haes gane thegither wi ither members o the SSP that wisna in ony pletform for tae mak the new Unitit Left group.
The Socialist Warkers Pairty an the Comatee for a Warkers Internaitional haes nou left the SSP thegether wi Tommy Sheridan tae set up anither pairty.
[edit] Representatives
Colin Fox CSP is the pairty's convener, the ither CSPs is Carolyn Leckie, Rosie Kane an Frances Curran, Tommy Sheridan an Rosemary Byrne uised tae be members and CSPs for the SSP, but no nou. Thae twa hae nou left the SSP for tae set up thair ain pairty.
The SSP haes twa cooncillors, Keith Baldassara an Jim Bollan an aw.
[edit] Ither Information
- The pairty haes its ain paper - the Scottish Socialist Voice
- The young team o the pairty gangs thegither in their ain youth weeng - Scottish Socialist Youth
