Ā'oga 'Āmata
From Wikipedia
'O Ā'oga 'Āmata, 'o ā'oga a tamaiti lāiti. 'O tamaiti nei e i lalo ifo o le lima tausaga le mātutua. 'O le ulua'i ā'oga 'āmata lava na fa'atuina i Niu Sila, na fa'avae lea e se faletua o se faife'au o le lotu EFKS i Newtown i Ueligitone. 'O le faletua ia Fereni Ete na 'āmataina nei ā'oga i le tausaga e 1985. E 'ese le tāua o lenei matāti'a na fa'atūina e lea fo'i tinā alofa ma le naunau ia manuia ā'oga 'aemaise o le gagana Sāmoa 'ia fa'atāuaina i 'āiga 'ae fa'apea fo'i Niu Sila. 'O le tausaga fo'i lea sa iai se centre e ta'ua o le Wellington Multicultural Educational Resources Centre i Ueligitone sa fesoasoani i le una'iina o lenei atina'e fa'atasi na Fereni ma nisi i le gāluelue i le fa'atūga o lenei ā'oga tāua.
