Карина Капур

From Википедиа

करीना कपूर کرینا کاپور Карина Капур
Зодаи	21 сентябр, 1980

Карина Капур (ҳиндӣ: करीना कपूर, урду: کرینا کاپور) - ҳунарпешаи синамои Ҳинд ва яке аз овозадортарин ҳунармандони Болливуд дар айни замон мебошад. Ӯ 21 сентябри соли 1980 дар шаҳри Мумбайи Ҳиндустон ба дунё омадааст.

Мундариҷа

1 Оила
2 Карйера
3 Филмҳо бо иштироки Карина Капур
4 Ин ҷоро ҳам бингаред
5 Пайвандҳои беруна

[вироиш] Оила

Дар Ҳиндустон касе нест, ки хонаводаи ҳунарпешагон Капурҳоро надонад. Синамо барои онҳо санъати аҷдодӣ буда, аз насл ба насл мегузарад. Карина Капур абераи ҳунарпешаи шинохта Притвираҷ Капур мебошад. Ӯ набераи ҳунарпеша ва продюсер Раҷ Капур ва духтари Рандҳир Капуру ҳунарпеша Баббита аст. Хоҳари Карина Каришма Капур низ санъати синаморо пеша кардааст.

[вироиш] Карйера

Каринаро дар ҷодаи санъат филми аввалинаш «Фирорӣ»(соли 2000) машқур гардонид. Ӯ дар ин филм ниҳоят моҳирона нақш офарида, сазовори як чанд ҷоизаҳои умумиҳундустонӣ дар соҳаи синамо гардидааст (ҷоизаи Болливуд, ҷоизаи Film Fare Sensation Debut, ҷоизаи Sansui). Филми «Фирорӣ» барои дигар ситораи навини синамои Ҳинд -Абҳишек Баччан низ филми аввалин буд.

Филми дуюм бо иштироки Карина он қадар шӯҳратёр нагардид. Вале дар ин ҷо низ Карина Капур таваҷҷӯҳи мунаққидонро ба худ ҷалб намуд. Офаридани нақши Пуҷа дар филми «Дар шодиву ғам» ӯро маҳбуби ҳамагон гардонид (коргардон Яш Чопра, дар нақшҳои асосӣ дар баробари Карина Капур, Ранӣ Мукҳерҷӣ ва Ҳритик Рошан). Баъд аз ин филм ӯ ситораи ҳақиқии синамои Ҳинд гардид.

Карина мехост, ки аз нақшофарии аввалинаш cap карда, ӯро ҳамчун ҳунарпешаи асил бишиносанд ва ӯ ба ин ноил ҳам гардид.