Diyos

Mula sa Tagalog Wikipedia, ang malayang ensiklopedya.

Sa monoteismo, ang terminong Diyos ay ginagamit upang tukuyin ang isang Buhay na Makapangyarihan.

Sa di-monoteistikong paniniwala, ang diyos ay ang preternatural na bagay may buhay na kadalasan, ngunit di palagi, may mahalagang kapangyarihan, sinasamba, tinuturing na banal o sagrado, binibigyan ng mataas na pagkilala, o ginagalang ng mga tao. Tinatawag na diyosa ang babae na diyos.

Mga nilalaman 1 Gamit ng salita 2 Pinagmulan ng salita 3 Konsepto sa iba't ibang relihiyon 3.1 Politeismo 3.2 Monoteismo 3.3 Mga di-relihiyoso 4 Mayroon Ngà Bang Dios?

[baguhin] Gamit ng salita

Ang pagiging neutral ng bahagi ng artikulong ito ay pinagtatalunan. Mangyaring tignan ang usapan.

Ang salitang "Diyos" na may malaking titik na D ay maaring ipakahulugan sa tatlong kaparaanan.

Una ito ay maaring pangngalang pantangi (proper noun) ng isang mataas, supremo at may kapangyarihang Maylalang na kadalasang sinasamba ng mga tinuturing na mas nakababang nilalang.

Halimbawa ng gamit:

1. Aba Ginoong Maria napupuno ka ng grasya, ang Panginoong Diyos ay sumasaiyo...
2. Ang Diyos ng Israel ang syang magliligtas sa atin.

Pangalawa, ang salitang "diyos" (maliit na mga titik) ay maaring gamitin bilang pangngalang pambalana (common noun) ang pangkalahatang salita o generic name para sa mga bagay, tao o nilalang na binibigyan ng paggalang o papuri.

Halimbawa ng gamit:

1. Si Saturno at Pluto ay mga diyos.
2. Ang diyos ng masasama ay ang demoyo.

Ikatlo, ay salitang diyos, biglang pagtukoy sa mga tinuturing na diyos diyosan ng ibang relihiyon:

Halimbawa ng gamit:

1. Si Baal ay isang diyos na kahoy.

[baguhin] Pinagmulan ng salita

• Espanyol — Dios
• Latin — Deus (Deus Pater)
• Griyego — Zeus (Zeus Pater)
• Sanskrit — Dyaus (Dyaus Pitar/Dyauspitah)

[baguhin] Konsepto sa iba't ibang relihiyon

[baguhin] Politeismo

Naniniwala sa maraming diyos at diyosa ang mga lumang relihiyon at ang modernong relihiyon ng Hinduismo. Tinatawag na politeismo ang paniniwalang ito.

Ilan sa mga kilalang mga diyos at diyosa sa mga iba't ibang relihiyon:

• Mula sa lumang relihiyon ng mga Griyego: Zeus, Apollo, Athena, Ares, Aphrodite.
• Mula sa relihiyon ng mga Roma: Jupiter, Mars, Venus
• Mula sa lumang relihiyon ng mga Norse: Thir, Odin
• Mula sa mitolohiya ng mga lumang Tagalog: si Bathala ang Makapangyarihang Diyos, Makiling, Minukawa
• Mula sa Hinduismo: Brahma, Vishnu, Shiva, Krishna, Durga, Ganesh

[baguhin] Monoteismo

Mayroon namang mga relihiyon na naniwala sa Nag-iisang Tunay na Diyos. Monoteismo ang tawag sa mga taong naniniwala sa iisang Diyos. Ngunit karaniwan naniniwala din sila sa mga ibang espiritu katulad ng mga anghel at demonyo.

Ang mga Hudyo, Muslim at Kristiyano ay naniniwala sa iisang Diyos. Ngunit naniniwala ang karamihan sa mga Kristiyano sa iisang Diyos sa tatlong Persona. Tinatawag nila itong Banal na Santatlo o doktrina ng Trinidad — ang Ama, Anak (si Hesus), at ang Espiritu Santo. May mga Kristiyano na hindi naniniwala dito tulad ng Mga Saksi ni Jehova na naniniwalang ang Ama lamang, si Jehova ang tanging tunay na Diyos, si Jesus ang kaniyang Anak (hindi kapantay ng kaniyang Ama), ang banal na espiritu o di-nakikitang puwersa ng Diyos na Jehova. Nariyan din ang mga Iglesia Ni Cristo. Pinaniniwalaan nila na tanging ang Ama (hindi nila ginagamit ang Jehova) lamang ang Diyos, si Jesus ang anak ng Diyos sa anyong tao mula noon hanggang ngayon.

[baguhin] Mga di-relihiyoso

Walang pinaniniwalaang diyos ang mga ateo, habang hindi naman nakakatiyak ang mga agnostiko kung mayroong diyos o wala. Wala namang pakialam kung may diyos o wala ang mga apateista.

Maaari ding maniwala sa pagkakaroon ng dyos ang ibang mga di-relihyoso, walang relihyon, o di-nabibilang sa mga pangunahing relihyong organisado.

[baguhin] Mayroon Ngà Bang Dios?

Ang pagiging neutral ng artikulong ito ay pinagtatalunan. Mangyaring tignan ang usapan.

Nakalalamang sa mga tao ang maging matanong at mapanuklas, Likas din sa kanila ang magkaroon ng kusang takot at paggalang sa mga bagay na kataka-taka at sa ina-akala nilang mas malakas o mas makapangyarihan kaysa kaniya (Colosas 2:18 & Gawa 17:23). Isa ito sa mga dahilan na nagtulak upang mabuo sa kanyang isipan na mayroon Dios. Isang Dios na Gabay na naka-aalam ng lahat na pangyayari at nagpapatakbo ng mga kasaysayan. Hindi ma-ikakaila na bagama't marami ang mga matatalino na nakatuklas ng iba't-ibang mga bagay na bunga ng karunungan, ay may isang Ulò / DIOS pa rin na higit na naka-tataas sa lahat. Isang Makapangyarihan na dapat nating paglagakan ng lubos na tiwala at pag-asa. Ang katunayan ng kaisipang ito ay maraming ibat-ibang uri ng mga Relihiyon ang nabuo sa pagsisikap na maka-abot sa Kaluwalhatian ng Dios na Panginoon. Halos ang lahat sa mga ito ay nagnanais na matamo ang biyaya at pagkalinga ng kanyang Banal na Manlilikhà, Mapapansin na ang bawa't isa sa kanila ay nag-aangkin na sila ang pinili ng Panginoong Dios. Kaya naman hindi maiwasan ang mga pagtatalo at ang maraming mga katanungan na nagbubunga ng mga di pagkaka-unawaan. Sa pagkakataong ito, ay ang Kasulatang Pinanganlang "ANG BIBLIA" ang may pinaka-wastong kasagutan sa mga tanong tungkol sa kabanalan kaya nga tinawag itong Ang Banal na Kasulatan, Bakit? Sapagka't bagama't maraming mga Aklat na ang nangasulat mula noong libu-libong taon na ang nakakaraan at sa pagsasalin-salin ng mga henerasyon ay hindi mapabubulaanan na ang Biblia ang tunay na pinaka sa mga Kinasihang Aklat; Bagaman at karamihan sa mga mahahalagang salita / pangngalan ay binago ng maraming mga Eskriba / Tagapagsalin (Jermias 8:8; Roma 10:4); Binago sa pag-aakalang ang ganoong paraan ay makatutulong sa sino mang makababasa upang umunawa. Isa sa mga katunayan na ang Biblia ang pinaka sa kinasihang mga Aklat ay ang pagiging nananatiling magkaka-ugnay ng bawat aklat o sanaysay bagama't ito ay sinulat ng ibat-ibang mga Lalaki sa ibat-ibang mga panahon at kulturang kinasadlakan, gaya ng nabanggit na. Kaya naman walang pasubali ang pagkatawag sa Kaniya: Ang Salita ng Dios, ito ay sapagka't ang lahat ng mga salitang nakasulat dito ay walang pasubaling pag-aari ng Isa na tinatawag na DIOS. Walang pag-aalinlangan na ito ang nararapat na pagsanggunian sa lahat ng mga usapin tungkol sa Dios o sa isang na umiiral ng walanghanggan. Tulad ng katanungang mayroon ngà bang Dios, ay tiyak ang mga patunay na makikita sa mga Bersikulo nito. Gaya ng nakasulat sa Eclesiastes 12:13... Ito ang wakas ng mga bagay; lahat ay narinig: ikaw ay matakot sa Dios, at sundin mo ang kaniyang mga utos; sapagkat ito ang buong katungkulan ng tao. Samakatuwid, bukod sa kalikasan at sa mga nakikita natin sa kalawakan ay may matibay ding pagpatotoo Ang Banal na Kasulatan na mayroon ngang Dios (Hebreo 11:6) Ang Isa na marapat pag-ukulan ng tapat na pagsamba.