Diane
From Wikipedia
Diane ke manatetsha puo a Setswana.
Dingwe tsa tsone le tlhaloso ya tsone ke tse:
| Seane | Tlhaloso |
|---|---|
| O se tshege yo o oleng, mareledi a sale pele | -Se re fa o bona mongwe a tlhagetswe ke tsietsi wa sotla ka ena,e tsoga e le wena o wetswe ke bomadimabe mme o tlhoka kutlwelobotlhoko |
| O se bone nong go rakalala godimo, go ya tlase ke ga yone | - Motho le fa a ka nna le madi kgotsa botshelo jo bontle jang kgotsa jang, go ya tlase ga gagwe go tla tswa mo go reng o itshotse jang le gore o tshotse batho bangwe jang teng godimo koo. |
| Meno masweu a bolaya a tshega | - Ena yo o itirileng tsala ya gago, ke ene yo o go tlhanogelang a bo a ja le dira tsa gago. |
| Gaabo-Motho go Thebe-Phatswa | Motho o mogolo ko ga bona |
| Kgomo megobeng e wetswa ke namane | Mmagwe ngwana o tsena mathateng ka ntlha ya ngwana. |
| Tadi e anya e amusa | |
| O se bone tholwana borethe, teng ga yone go a baba | - Ga se gore motho fa a le montlentle, le mekgwa ya gagwe e ntse fela jalo |
| Tshipo o rile ke lebelo, marota a re ke namile | - Motho le fa a ka dira bobe mme a re o a siya, o tla bo a nne a tshwarwe la bofelo. |
| seboba re bata sa mokwatla, sa mpa re a mpampetsa | O ka itshwarela mo ga eno go na le motswakwa |
| Phokojwe ga a ko a latlha moseselo wa gagwe | Motho ga a kake a latlha mekgwa ya gagwe |
| Phokoje go tshela yo o dithetsenyana | - Motho go tshela yo o botlhale |
| Kgosi ke kgosi ka malata | - Motho ke motho ka batho |
| Mafoko a kgotla a mantle otlhe | - |
| Moroto o o esi ga o ele | -Motho a le esi a ka se kgona go dira tiro e e bonagalang(Motho ke motho ka batho ba bangwe) |
| Kgetsi ya tsie e kgonwa ke go tshwaraganelwa | Batho ba dira tiro botoka fa ba e dira ba e kopanetse |
| Mabogo dinku aa thebana | Batho ba dira tiro botoka fa ba e kopanetse |
| Tloga tloga o tloga kgale, modisa wa kgomo o tloga nayo | - Go dira tiro go santse go le phakela go phala go e dira letsatsi pele ga e tlhokiwa |
| Bana ba motho ba kgaoganya tlhogo ya tsie | Bana ba motho ba kgaogana sengwe le sengwe le fa seka nna sennye jang |
| Bojang jwa pitse ke jo bo mo maleng, jo bo kwa ntle e swa e bo lebile | -Sa motho ke se a nang naso, se a iseng a se fitlhele ga ise e nne sa gagwe. |
| Kgosi thothobolo o olela matlakala | - Moeteledipele o rwala maikarabela a balatedi bagagwe |
| Bontle bo nale dibelebejane | - |
| Mmangwana o tshwara thipa ka mo bogaleng | - |
| Sedikwa ke Ntsa-pedi ga se thata | - Tiro ga e nke e pala fa e tlhakaneletswe |
| Ngwana yo o tlhogo kgolo o sira rragwe | - Ngwana yo o senang maitseo o palela motsadi wa gagwe. |
| Susu o ilela suswane, gore suswane a tle a mo ilele | -Fa o le ko godimo ka maemo, o tshanetse go rekegela ba ba botlana mo go wena |
| Kgakakgolo ga kena mebala,mebala e di kgakaneng - Motsadi o tlhokomela bana thata ke ka moo re tshwanetseng go sheba bontle jwa gagwe mo baneng.
Tswee-tswee Tobetsa "edit" ko godimo o tsenye tse dingwe le go baakanya diphoso. |
